Versete biblice populare din চঙি 6

Partajează

উনান গৗমৗন যিহোৱা ঈশ্বৰা বাসমাতায় মাৰাব সৃজৗই তানো দুখ মানায়মৗন

যিহোৱা ঈশ্বৰা নৗকৌ, বাসমাতায় মাৰাবনি লঙ্গৰা খৗব বৗদৗয়ৌ আৰা নিৰিখৗন উনি শুংশুঙি বেবাক চিন্তা খৗলি সাৰচাসৗন।

নাত্নে নোহৱা যিহোৱা ঈশ্বৰনি নৗকতোঙায় দয়া মাসৌ।

নোহনি বর্ণনাৱো ইয়ৗন। উ সমায়ঙি মাৰাব মাজাৰায় নোহৱা ধর্মী আৰা দোষ তংচা মাৰাব, আৰা যিহোৱা ঈশ্বৰমৗন অৗগ্রৗম নোহৱা লৗজৗমতানা।

মনায় কান্দাতৗইমৗন ব্রাকৌ, “আং আপৗন সৃজৗইতানি মাৰাবো বাসমাতায়প্রিং গাজায় লাওঙা। মাৰাবমৗন অৗগ্রৗম চং, হাʼৱায় মানমৗন চাৰাওঙি চং, ৰাংক্রাংঙায়ঙি তৌচাকদো ই বেবাকন তামায় লাওঙা; আতাংনা ব্রাকৰৗন অনোকো সৃজৗইমৗন আং দুঃখ মানৌ।”

ইগিনান জেলা বাসমাতায় খৗব মাৰাব জাঔ, আৰা অনোঙি স্বামিচিকদোবান মানৌ, উ সমায়ায় যিহোৱা ঈশ্বৰনি স্বাজংদো মাৰাবনি স্বামিচিকদো চৗইতৌঙি নৗকৗইমৗন, অনোক বেবাঙায়প্রিং যা যিয়ো পেনেম মানা, উৱোন বিয়ৌ গাসায়ৌ। জিখৗমায় যিহোৱা ঈশ্বৰা ব্রাকৌ, “ইনি আত্মাৱা মাৰাবনি হাপাগ শুঙায় আৰা নিৰিখৗন পাংচানা আতাংনা ব্রাকাৰৗন উনি দংচাতিয়া লাম তৗঙিয়ো উম্রা কানসৗন; তেওবেনেন উনি সমায় শʼগসায়মৗন নিংছি বৗসৗৰ সায়ঙা।” উ সমায়ায় আৰা উনি তৗক্রৗই জিখৗম লাগেতবান বাসমাতায় নাফিলদো তৱা; আৰা উনি জিখৗমায়বান যিহোৱা ঈশ্বৰনি স্বাজংদো মাৰাবনি স্বামিচিকদোমৗন সৗন্দৗম পাকায়মৗন অনোক অনোঙি গৗমৗন স্বাজংদো মানৌ; উ স্বাজংদোন অৗগচাকৱায়ঙি বৗলনাং বৗৰজি মাৰাব।

উম্প্রিং নোহৱা উগুনান তৗৰৗয়ৌ; যিহোৱা ঈশ্বৰা হুকুম লাওতানি গানান উম্রা বেবাকন তৗৰৗয়ৌ।

আৰা উ সমায়ায় যিহোৱা ঈশ্বৰা নোহৱো ব্রাকৌ, “আং নৗকতোঙায় বেবাক জাতদোনি বুসুন্নি সমায় খৗতৗয়ৌ; আতাংনা বাসমাতামৗন অৗগ্রৗম অনোকো তামায় লাওঙা।

নৗং গোফৰ পানমৗন গসা ৰুং বানায়; আৰা উনি পুমায় কোঠা কোঠা বানায় আৰা পিৰ পুম অৗমৗন সেত।

জিখৗমায় যিহোৱা ঈশ্বৰা বাসমাতা পাতাং চৗইমৗন উৱো সাৰচা নৗকৌ; আতাংনা ব্রাকাৰৗন বাসমাতায়ঙি বেবাক জাতৱোন হেচা সায়ৌ।

আৰা বেবাক হেংতোঙি চং-কুকদো বেবাক জাতৱোন মৗজু মালা জোৰসা জোৰসা নৗংমৗন অৗগ্রৗম চৗল্পাক দেহেং গৗমৗন ৰুঙায় গুদুং।