Versete biblice populare din ÂTHAONA 37

Împărtășește

Zâ kha cha Zawsi ta mâ sa ta, cha cha a unawhzy a chho nahta, ano cha a hao via rili ei ta.

Izarei ta Zawsi cha a pawpi tawhta a sapa a sawchapaw a châpa vâta, a sawchapaw hropa zydua hlâta a kyh pachâ via ta, viahkao pasipa cheichapaipa taopa ta.

Ama paw ta ano cha a unawh zydua hlâta kyh a pachâ via tahpa a unawhzy ta ama pahno nahta, ano cha a hao kaw ei ta, reikah phapa rai hlâ khoh leipa ei ta.

Cha khai tawhta mâ hropa sa heih ta, a unawhzy chho ta, “Pachâ tua u, mâ sa heih na ta, noh, thlâpâ nata awhsi miahrawh hleikhazy ta a bôhpa ta einâ naoh ei,” tah ta.

A unawhzy ta a chô liata ama hiatlia kaw ta, a paw deikua ta, cha hmozy cha a palôh liata a vao thlâh ha ta.

Zawsi ta ama hnohta, “Ngiachhiepa ta ei mâ sapa he nathlie tua u. Lyu liata sapiahzy chahry pi ta, keima sapiah tlai cha kaw thyu ta, a kaw duah ta, nâmo sapiahzy ta vaw chadô ei ta, a bôh ei ta, keima sapiah cha amâ naoh ngâ kaw,” tah ta.

A vy teh u, thie sih la, khaohtlô miakha liata pathla ei suh u. Sahrâhpa na a sie haw tah aw pi ta, a mâzy cha kheihta ma a châ aw tahpa eima moh tua rai aw,” tah ei ta.

Midia mo sôhpaliepazy ta âmo cha vaw chapia ei ta, Zawsi cha khaohtlô tawhta thaoh ei ta, Ismela mo hnohta tâkâ sekel tlaw kih ta zuah ei ta. Ismela mo ta Zawsi cha Izi râh lâ a chhi ha ei ta.

Âmo nata âmo a chhohia ei ta, “Moh tua u, mâ a sapa â vy huh.

A unawhzy ta Zawsi cha lâhlapi tawhta vaw hmô ei ta, ama kô chhao a tlô hlâta, thie awpa ta arulâta a paraoh chhielie ei ta.

Rubena ta ama hnohta, “Thisaih palo khah u. Râhchawhpa liata khaohtlô liana heta pathla u la, ku deikua la a chô liata pathla khah u,” tah ta. Zawsi cha ama ku tawhta pachha ta, a paw o lâ â chhi thei nawpa ta, cha bie cha a reipa a châ.