Versete biblice populare din ÂTHAONA 27

Partajează

Khazohpa ta avâ diati cha piepa ta, Lei phapa cha pie sala, Sâh nata kresawhti hluhpi cha pie mawh sy. Phopizy ta cha chakao ei sala, Râhzy ta châ naoh mawh ei sy! Na unawhzy chô liata bei ta y la, Na nô sawzy ta châ naoh mawh ei sy! Chhie châ sapatuhpa maih, Chhiesapa ta y ei sala; Byhnâ châ awpatuhpa maih, Byhnâ topa ta y mawh ei sy!” tah ta.

Esaw ta, “Zakaw moh a phaoh awpa tlai a vaw châ he! Ei no dua eina dôvei ha hih. Sawchapaw uhtheipa châna tovyuh na lapa ta, tahmâ ei byhnâ eina lapa heih hih!” tah ta. Chatawhcha Esaw ta, “Byhnâ miakha chhâ na pahlôhpa va chi ma?” tah ta.

A paw Aisika ta a chhy ta, a hnohta, “Pachâ teh, lei phapa nata a hlapa liata pahrâ aw chi ta, Chô lâ tawhta avâ diati nata a hlapa liata na pahrâ aw. Na zaozi ta hroh aw chi ta, Na unawhpa na chakao aw; Na pua tita deikua cha, A raopaky na rao tawhta na pahluh aw,” tah ta.

Esaw ta a paw hnohta, “Ei pâ, byhnâ cha miakha deita ma na hnei? Hy ei paw y, kei he, kei chhao he, byhnâ na awpa hra mah y,” tah ta, Esaw cha ao paro ngaitapa ta cha ta.