Versete biblice populare din Lukas 11

Partajează

Soo xlecht wii teyer sayt, weest teyer awer toch was kuut is fer ayre khiner. Soo fiil mee wërt te Fater, woo im himel is, te Hayliche Kayst kewe fer tii woo em ferlange tuun!

Tesweche saan ich: ferlangt un teyer kriit es; suucht un teyer wërt es fine; klopt, un ti teyer wërt sich uf mache fer aych.

Wayl al tii woo ferlange, kriin es; tii woo suuche, fine es; un ti teyer kept uf kemach fer tee woo klopt.

Yeesus antwort: — Wën teyer peete tuut, saat: “Fater, kehaylicht say tayne naame! Khom tsu uns tayne raych!

Fertsay unser sinte, soo wii meyer fertsaye weyer uns pelayticht hot. Un los uns net in fersuuchung fale.”

Unser taachlich proot kep uns yeete taach.

Ti aue sin wii en licht fer te khërwer: wën tayn aue kuut sin, kept tayne kanse khërwer fol licht. Awer, wën tayn aue xlecht sin, kept tayne khërwer fol tunkelheet.

Yeesus saat wayter: — Nimant macht en lamp aan fer uf en ferxtekelt plats hiin tuun ore unich en khorep. Kraat es keeche teel, es licht kept uf en aychne plats hiin ketuun, tas tii woo ins haus khome ales richtich siin khëne.