Versete biblice populare din Yohan 16

Partajează

Tas tings hon ich aych kesaat tas teyer friite torich mich het. Uf te welt, macht teyer petriipunge mit; awer khënt kuute muut hon; ich hon ti welt kephakt.

Awer, wën te Kayst fon te Woerheet khomt, tuut eyer ti kans woerheet aych lërne. Tee Kayst xprecht net aus sich selwer, awer wil saan ales was er keheyert hot un saat aych aan ales was paseere sol.

Pis yets het teyer niks ferlangt in mayne naame; ferlangt un teyer wërt es kriin, tas ayer frayt komplët sin sol.

Ich saan ti woerheet wën ich saan tas es peser is fer aych tas ich keen. Wayl, wën ich net keen, khomt te Hilfer net; awer, wën ich keen, tuun ich en fer aych xike. Wen te Hilfer khomt, tuut tee ti layt fon te welt iwerlaychte tas sii en ferkheyert itee hon iwer ti sinte un was richtich un kerechtich is un aach fom Hërkot sayne xulkament.

Soo paseyert tas aach mit aych: Yets sayt teyer traurich, awer ich khome aych noch mool siin. Tan kept teyer fol mit frayt, un nimant khan aych tii frayt wech hoole. — Wen tee taach khomt, tuut teyer mich niks froe. In woerheet saan Ich aych: Wen teyer was fer te Fater ferlange tuut, wil tee es aych in mayne naame kewe.

Wayl ich fersichere aych tas tas woer is: teyer tuut prile un traurich kewe, awer ti layt fon te welt kewe froo. Teyer wërt traurich, awer fon tee traurichkheet khomt ti frayt.