Versete biblice populare din Yaya 16

Partajează

TangaronKu kasangkat dikovu ino supaya osondod i ginavo muju do nokopiiso kou Dogo. Nga siti nopo vonuvo om asansara kou nga pasanangono ino ginavo muju do nakalaKuno iti vonuvo,” kadi Yisus.

Nga korikotpo dino i Tatod do Kinoringan, i monuduk diri oinomod, om tudukan kou nogi dino Disido onuu nopo iri oinomod sabap okoniko kuasa diri tinangaranJo kondiri, nga i orongou Disido si diAmo patangaronJo si dikovu, om mangaabar Isido dikovu kasangkat i korikot do insan tadau.

Nga sampai maino aupo insan kou mokianu do onuu nopo sabap do maja kovi Dogo. Nga pokianu kouno pogi om oonuan kovi supaya aavi-avi i ginavo muju do asanang,” kadi Yisus.

Nga oinomodno iti tangaronKu dikovu do gaam nogi do kouli Oku, do au Oku nopo kouli om aui korikot i Mongunguup siti dikovu, irino i Tatod do Kinoringan. Nga nong kouli Oku suuonKu nogi dino Isido mongoi siti dikovu. Om korikot nopo dino Isido siti vonuvo, om Isidono dino i popuriman di tongotulun siti vonuvo i duso diolo. Om popoilo Isido nong onu iri abanar om popoilo nogi pasal do kopomutusan do Kinoringan.

Om irad kou nogi diri do lumudus do mainopo, nga kasamung Okupo dino kavagu dikovu om asanang nogi dino i ginavo muju, om auso iiso tulun kadapat sumolod diri kasanangan do ginavo muju. Om ausono pokionuon muju Dogo ontok do orikot tadau diri. Nga patangaronKu marong dikovu iti do onuu nopo pokionuon muju si diAmo saralom di ngaranKu om onuan kovi Disido.

PatangaronKu marong dikovu iti do mogiad kou do moginupus, nga i tongotulun nopo siti vonuvo om asanang ginavo. Ikovu nopo nga sumurau, nga iri kosuraan muju diri suvolijan sumiliu do kasanangan do ginavo.