Versete biblice populare din मत्ती 7

Partajează

“मांगा तेबे तुमके दिया जायदे; डगराहा तेबे तुमी पाहासे; ठक-ठकाहा, तेबे तुमचो काजे उगाढ़ा जायदे।

कसनबल्लोने जोन कोनी मांगु आय, हुनके मिरू आय; आउर जोन डगराऊ आय, हुन पाऊ आय; आउर जोन ठक-ठकाऊ आय, हुनचो काजे उगाढ़ा जायदे।

“ऐईकाजे जोन कोनी मोचो ऐ गोठमन सुनुन भाती हुनमन के मानु आय, हुन-हुन अकल बिता मनुक चो असन ठेबेदे जोन आपलो घर पकना थाने बनालो।

ऐई लागुन जोन काई बले तुमी मन करसास कि माने तुमचो संगे करोत, तुमी बले हुनमन संगे असने ची करा; कसनबल्लोने माहापुरू चो नियम आउर अगम गिआनीमन चो सिक्या ऐई आय।

कसनबल्लोने साकुड़ आय हुन कपाट आउर मशकिल आय हुन बाट जोन जीवना ने पोंचाऊ आय; आउर खिन्डिक असन आसोत जोन हुनके पाऊ आत।

“साकुड़ कपाट ले ओला, कसनबल्लोने ओसार आय हुन कपाट आउर सर-सरा आय हुन बाट जोन बिनाश ने पोंचाऊ आय; आउर खुबे असन आसोत जोन हुनचो ले ओलु आत।

आउर जिदलदाय तुमी खराप होऊन भाती, आपलो पिलामन के अच्छा तीजमन देऊक जानास, तेबे तुमचो सरग चो बुआ आपलो मांगतो बितामन के अच्छा तीजमन केंव नी देये?

“दोष नी लगाआ कि तुमचो उपरे बले दोष नी लगा ओत। कसनबल्लोने जसन परकार तुमी दोष लगाऊ आहास, असने परकार तुमचो उपरे बले दोष लगाया जायदे; आउर जोन नाप ले तुमी नापु आहास, हुनी नाप ले तुमचो काजे बले नापा जायदे।

मान्तर जोन कोनी मोचो ऐ गोठमन सुनु आय आउर हुन थाने नी चले, हुन-हुन मुरूक माने चो असन ठेबेदे जोन आपलो घर बारू थाने बनालो।

“तुय केंव आपलो भाई चो आँईक चो कचरा के दक सीस, आउर आपलो आँईक चो चिपड़ा तुके नी जान पड़े? जिदलदाय तुचो ची आँईक ने चिपड़ा आसे, तो तुय आपलो भाई ले कसन बोलुक सकीस, ‘आव मय तुचो आँईक ले कचरा निकराऊन देयेंदे?’

“फंदी अगम गिआनीमन ले खबड़दार राआ, जोन मेंडामन चो भेष ने तुमचो लगे ऐऊ आत, मान्तर भीतर ने हुनमन चिरतो बिता बिगवामन आत। हुनमन चो काममन ले तुमी हुनमन के चिताहासे। काय लोग बुटामन ले अंगुर, नाहले काटा बुटामन ले अंजीर टुटाऊ आत?

ऐई परकार हरकोनी अच्छा रूक अच्छा फर फरू आय आउर बेकार रूक खराप फर फरू आय।

अच्छा रूक खराप फर नी फरूक सके, आउर ना बेकार रूक अच्छा फर फरूक सके।

जोन-जोन रूक अच्छा फर नी फरे, हुन काटा आउर आईग ने जराया जाऊ आत।