Versete biblice populare din Luka 8

Partajează

Al ónimli topıraqqa túskenleri mınaday adamlardı bildiredi: olar sózdi esitip, jaqsı hám pák kewillerinde saqlap, shıdamlılıq penen zúráát beredi.

Al tikenler arasına túskenleri mınaday adamlardı bildiredi: olar sózdi esitedi, biraq ómirdiń táshiwishleri, baylıq hám házlikler astında tunshıǵıp, olardıń zúrááti pispey qaladı.

Taslaq jerge túskenleri mınaday adamlardı bildiredi: olar sózdi esitip, quwanısh penen qabıl etedi, biraq tamırsız bolǵanlıqtan waqıtsha ǵana isenip, sınaw waqtı kelgende isenimnen qaytadı.

Iysa shákirtlerine: – Isenimińiz qáne? – dedi. Olar qorqısıp, ań-tań bolısıp, bir-birine: – Bul kim Ózi? Ol samal menen suwǵa buyrıq bergende, olar Oǵan boysınadı-ǵo! – desti.

Jol shetine túskenleri mınaday adamlardı bildiredi: olar sózdi esitedi, biraq soń shaytan kelip, olardıń júreklerindegi sózdi alıp ketedi. Sonlıqtan olar isene almaydı hám qutqarılmaydı.

Óytkeni ashılmaytuǵın hesh qanday sır, málim hám áshkara bolmaytuǵın hesh qanday jasırın nárse joq.

Hayal jasırına almaytuǵının bilip, qaltırap Iysanıń aldına keldi de, Onıń ayaǵına jıǵıldı. Óziniń qanday sebep penen Oǵan qolın tiygizgenin hám sol waqıtta-aq qalay shıpa tapqanın pútkil xalıq aldında aytıp berdi. Iysa oǵan: – Qızım! Isenimiń seni qutqardı, tınıshlıq penen bara ber, – dedi.

Shákirtleri Iysanıń qasına barıp: – Ustaz! Ustaz! Nabıt bolajaqpız! – dep, Onı oyattı. Iysa ornınan turdı da, samalǵa hám tolqınlasıp turǵan suwǵa tıyım saldı. Sonda olar tınıp, átirap tım-tırıs boldı.