Versete biblice populare din Yuxan 16

Partajează

Bulardı sizlerge Mende bolıp, tınıshlıq alıwıńız ushın ayttım. Bul dúnyada qıyınshılıq kóresizler, biraq márt bolıńlar, Men dúnyanı jeńdim!

Biraq Ol, yaǵnıy Haqıyqat Ruwxı kelgende, sizlerdi tolıq haqıyqatqa qaray jeteleydi. Ol Ózliginen sóylemeydi, tek neni esitse, sonı sóyleydi hám keleshekte ne bolatuǵının sizlerge bildiredi.

Házirge deyin sizler Meniń atım menen hesh nárse soramadıńlar. Sorańlar, alasızlar, sonda quwanıshıńız tolı boladı.

Soǵan qaramastan, Men sizlerge haqıyqatın aytaman: Meniń ketkenim sizler ushın jaqsıraq. Eger Men ketpesem, sizlerge Jaqlawshı kelmeydi. Eger ketsem, Onı sizlerge jiberemen. Ol kelgende, dúnyaǵa gúnanıń, haqlıqtıń hám húkimniń ne ekenin ashıp beredi.

Sol sıyaqlı, sizler de házir qayǵırıp atırsızlar. Biraq Men sizlerdi jáne kóremen hám júregińiz quwanıshqa toladı. Bul quwanıshtı sizlerden hesh kim tartıp ala almaydı. Sol kúni Mennen hesh nárse soramaysızlar. Sizlerge shının, haqıyqatın aytaman: Meniń atım menen Ákemnen ne sorasańlar da, Ol sizlerge beredi.

Sizlerge shının, haqıyqatın aytaman: sizler jılap, aza tutasızlar, al dúnya quwanadı. Sizler qayǵırasızlar, biraq qayǵıńız quwanıshqa aylanadı.