Versete biblice populare din Matayo 7

Partajează

“Mumunyilikage uNguluvi muhadza mwipeelwa, mutemulage muhadza mukufiwona, muhodedzage pa mulyango muhadza mwidindulilwa.

Umuunu ye avedzaga ye iinyilika iikwanukila, ye iitemula akufiwona, ye iihodedza pa mulyango iidindulilwa.

“Neke lino, umuunu ye avedzaga ye iipulika amadzwi gangu nu kugagendela, iivedza ngita muunu umunya luhalawukagudzi, ye aadzengile inyumba yaakwe pa lutalaawe.

“Lino muvalimilage avaanu avangi ngita na yuunye kye mwisaka ukulimilwa, pakuva idzo dziiwulanidzwa mu wusimbe wa milagililwe gya Mose na vavidzi.

Neke kangi umulyango ugwa kwingilila ku wuumi, mufinye. Nayi ngʼaasi iyiihelela uko, finye, na vaanu aviifika uko, vakeefu hela.

“Mwingilage ku wutwa wa kukyanya kugendela pa mulyango umufinye, pakuva umugadzu gwe mulyango ugwisogodza ku lutipulo. Kangi ingʼaasi ya kuhelela uko ngadzu hiilo, voloofu viikwingila ukugendela ingʼaasi iyo.

Ndeeni, nde luvedze unyeenye muli vahosi, mwidzeela kye mukuvapeela avaana veenyo ifiinu ifinofu. Neke lino, uDadiinyo ye ali kukyanya, iidzeela ukulutila mbandu kye akuvapeela inofu avakumunyilika!

“Mutanage ukuvahiga avangi, uNguluvi alaaleka avahige na yuunye, pakuva imihigile gye mwihigila avangi, gye gyene gye alavahigila na yuunye uNguluvi. Kangi ikigelelo kye mwigelela ku vangi, kye kyene kye alavagelela na yuunye uNguluvi.

Kangi umuunu ye avedzaga ye iipulika amadzwi gangu aga, neke kangi atanage ukugagendela, uyo iivedza ngita muunu umupuva ye aadzengile inyumba yaakwe pa luhanga.

“Kye kiki wiilola akabandzi akagenda mu liiho lya muyago, neke kangi usikuliwona ilyangiko iligenda mu liiho lyako? Kye kiki ukumulongela umuyago ukutigila, ‘Ve munyalukolo vanguave! Leke ndikahedze akabandzi akagenda mu liiho lyako,’ neke kangi uveeve usikuliwona ilyangiko iligenda mu liiho lyako?

“Mwiyangalilage na vavidzi va wudesi. Pe viikwadza ukwenyo, pa miiho viiwoneka ngita ngʼolo, neke kangi mu numbula dzaawo ge makekeeva masali. Aveene mukuvakagulila mu fiveleko fyawo. Avaanu vasiikova ifiveleko fya misabibu mu fitundu fya miifwa. Kangi vasiikova ifiveleko ifya mudzombe mu mivayula.

Luli ndeeni, umubiki umunofu gwiveleka ifiveleko finofu, neke kangi umubiki umuviifu gwiveleka ifiveleko ifiviifu.

Sikoolili ilibiki linofu iliiveleka ifiveleko ifiviifu. Kangi sikoolili ilibiki iliviifu iliiveleka ifiveleko ifinofu.

Neke ilibiki ilisiiveleka ifiveleko ifinofu, liidumulwa nu kutoodzwa mu mooto.