Versete biblice populare din Matayo 18

Partajează

Pakuva ngana vavedze poovali avaanu vavili enewuli vadatu ávalundaniye mu litaawa lyangu, na yuune ndili baaho pamwinga navo.”

Ndikuvalongela kangi ukutigila, ngana vavili umwenyo víidiingʼiine mwe naanyi ulukaani luluvedzaga lwe viilapangilila, uDaada ye ali kukyanya ahadza akuvalimila ulo.

UYesu akumukemeelaga umwana mudebe, akumwimyaga pagatinagati apaawo, akuvalongelaga iitigilaga, “Ndakyene ndikuvalongela ndiitigila, ngana simwihambuka nu kuvedza ngita vaana vadebe, musiliingila nambi ku wutwa wa kukyanya.

Neke lino, umuunu ye avedzaga ye akwiyisa nu kuvedza ngita umwana mudebe uyu, uyo ye mwene ye ahadza iivedza mukomi ukulutila avangi vonda ku wutwa wa kukyanya.

Kangi umuunu ye avedzaga ye akumwanukila umwana mudebe ngita uyu mu litaawa lyangu, akuundzanukila uneene.

“Ndakyene ndikuvalongela ukutigila, dzonda dze mwikaanidza mwe naanyi, uNguluvi iivedza ákaaniidze kukyanya. Kangi dzonda dze mukudzitawula mwe naanyi, uNguluvi iivedza ádzitawuwe kukyanya.

Pa wusililo uYesu iitigilaga, “UDaada ye ali kukyanya, ahadza akuvalimila ndeeni na yuunye, ngana ye avedzaga umwenyo asikumupyanila umuyagwe ni numbula yaakwe yonda.”

“Neke kangi umuunu ye avedzaga ye akumuhulila yumwinga mu vadebe ava avakuufuuwa ayage, ngali kiba uyo akali apingwe ulwala lukomi mu singo nu kutoodzwa mu ndzongela iya nyandza.

Mwiwona wuli, ngana umuunu ali ni ngʼolo ligana limwinga (100), neke yimwinga mu idzo yiyage, iilima kiki? Asidzileka tandi makyumi ligondza ni nyigondza (99) ku fidunda nu kuhelela kutemula yimwinga iyo íyiyagile?