Versete biblice populare din Matayo 10

Partajează

“Lolage, ndikuvatuma ngita ngʼolo pagatinagati pa makekeeva. Lino muvedzage vasugu ngita ndzoka, kangi muvedzage vangaya nongwa ngita ngundya indzelu.

Umuunu ye avedzaga ye iisaka ukuwupoka uwuumi waakwe, uyo alawuyadza. Neke kangi ye akuwuyadza uwuumi waakwe wiimila wa neene, uyo alawupoka.

Mutanage ukuvoogopa avo aviikoma umuvili, neke kangi viilemwa ukukoma umubepo. Nda haamu, mumoogopage uNguluvi ye iitipula umuvili nu mubepo mu mooto ugusiidzima mbeepali.

Umuunu ngana asiitegula ikipindulihidzo kyakwe nu kuuniniila, uyo asiivagila ukuvedza munyigendwa vangu.

Umuunu ye avedzaga ye akuundzidika pa miiho ga vaanu ukutigila akuuniniila, na yuune ndihadza ndikumwidika pa miiho ga Daada ye ali kukyanya ukutigila, uyo munyigendwa vangu. Neke kangi ye avedzaga ye akuungʼaana pa miiho ga vaanu, na yuune ndihadza ndikumukaana pa miiho ga Daada ye ali kukyanya ukutigila, uyo si munyigendwa vangu.

Muvananiyage avatamwa, muvadzulubusage ávafuwe, muvavaladzage avanya kinyamuvili nu kulosa imibepo imiviifu. Lino muvatangage avangi kitahombwa, pakuva na yuunye musaahombiye ifyo fye mwanukiye.

Luli ewo, mutanage ukoogopa, pakuva muli nu wutalamu ukulutila isoodzi ndzoloofu.

“Mutanage ukuhoodza ukutigila ndaadzile kwe naanyi ukuleeta ulutengamaso. Nambi! Nda haamu, ndaadzile mu kuleeta amagoha.