Versete biblice populare din Imilimo 1

Partajează

Ukuwa muliyi­zuzwa namaka pano Muzimu Mwimi­chile wiza kwakwe mwemwe, mwize muwe mwewakalola wane mwe Yeru­salemu, na mwe Yudeya monsi, na mwe Samariya, ukufika nakuno insi yapakula.

Yesu awanena ati, Ivyampindi na­malanzi vyeni Umukwasi awino wavi­manya, chisi achinu ukumanya pano vyovyonye vilipona.

Walile wawu­ngana apaliponga nawo, awakomelezya ati, Mutize mufume mwe Yerusalemu, ukuwa mulindilile ichawila chino Umu­kwasi walayilizizye, chino nani nawane­nile. Yohani wabatizyanga naminzi, ukuwa kwasyala amanda matichi mwe­nji muliwabatizya nu Muzimu Mwimi­chile.

Pansizi yamfwa yakwe wayilanjizizye impindi mvule mumanda amakumi yani, apanichisya nukupanichisya kuno wali­nji amumi; walolekanga kuwapostile wakwe, nukuvwanzyania nawo ivya Wufumu wakwe Leza.

Ala wavwanga ivintunye vyoo, pane wakulola nukulola asendwa mwiyulu; iwingo alimuvwimbilichizya awasowa napano walyata.

Awala wasyala wakulolechesya mu­pela pano akupita, awantu wawili wano wazwite ivizwalo vitiswe awiwuchila ayimilile pakwe woliwo. Awati, Mwe wantu wa mwe Galileya, ngachani chino mwimilile mukulola mupela? E Yesu-nye wee wino wasendwa kwakwe mwemwe waya mwiyulu, alinyoka ndi­vino mwamulola akuya mwiyulu.