Versete biblice populare din LUKE 6

Partajează

Foaki, bea e foaki ia kiate kimoutolu; koe fua lahi, kuo fao lolo hifo, o lulu fakataha, bea fonu mahuohua, e atu ki ho mou fatafata. He koe fuofua koia te mou fua aki, e toe fua aki ia kiate kimoutolu.

Oku omi e he tagata agalelei aia oku lelei mei he koloa lelei i hono loto; bea oku omi e he tagata agakovi aia oku kovi mei he koloa kovi i hono loto: he oku lea a hono gutu mei he mea lahi oe loto.

Ka mou ofa ki ho mou gaahi fili, bea fai lelei, mo atu mea, i he tae amanaki ke toe ma‘u; bea e lahi ai hoo mou totogi, bea e ui akimoutolu koe fānau ae Fugani Maoluga: he oku agalelei ia ki he taefakafetai bea moe kovi.

Koia mou manavaofa, o hage foki koe manavaofa a hoo mou Tamai.

Oua e fakamāu, bea e ikai fakamāu‘i akimoutolu: oua naa fakahalaia, bea e ikai fakahalaia akimoutolu: mou fakamolemole, bea e fakamolemolea akimoutolu

Ka oku ou tala atu kiate kimoutolu oku fanogo, Ofa ki ho mou gaahi fili, fai lelei kiate kinautolu oku fehia kiate kimoutolu. Tabuaki‘i akinautolu oku kabe‘i akimoutolu, bea hufia akinautolu oku fakakovi‘i akimoutolu.

Bea koia te mou loto ke fai e he kakai kiate kimoutolu, koia be foki te mou fai kiate kinautolu.

Bea ko ia oku ne jibi‘i koe i ho kouahe e taha, fulihi kiate ia ho kouahe e taha; bea mo ia oku ne ave ho bulubulu, oua naa taofi ene ave mo ho kofu tua. Foaki kiate ia fulibe oku kole kiate koe; bea ko ia oku ne ave hoo koloa oua naa toe kole ia.

He oku ikai ha akau lelei e tubu ai ae fua kovi; be ha akau kovi e tubu ai ae fua lelei.

He oku ilo ae akau kotoabe i hono fua oona. He oku ikai toli e he kakai ae fiki i he akau talatala, be koe fua oe vaine i he talatalaamoa.