Versete biblice populare din Yohaannis 15

Partajează

Anin muka weyniiti, isan dameelee; nama na keessa taa'ee aniilleen keessa taa'uu callaatti midhaan guddoo baasa; wantii akkanaatiif na malee dandeetanii homaa hintolchitani.

Na keessa taa'aa! Aniilleen isan keessa taa'aa. Akkuma dameen yo muka weyniitti ejjite malee, kophaa ufii midhaan hinbaamnee, akkasuma isaniilleen yo na keessa teettan malee, homaa hindandeenne.

Isan yo na keessa teetanii dubbiin tiyyaalleen isan keessa teete, waan feetan cufaa kadhadhaa, isanii kennanii.

Isan na hinfoohanne, ammoo natti isan foohate; akka deemtanii midhaan baaftaniif, midhaan keessaniilleen akka hinhamaanneef, tanaaf waan maqaa kiyyaan kadhattan cufaa Abbaan isanii kenna.

Namii tokkolleen jaalala hagana irraa hinqabu, ta namii marroo jaallan ufiitiif du'u.

Damee na keessa jirtu ta midhaan hinbaamne cufaa innii hinballeessa, damee midhaan baaftu cufaa ammoo akka haga qaraallee irra midhaan baaftu innii kolkoleetti midhaassa.

“Seerii kiyya kanaa, akka anin isan jaaladhe isaniilleen waljaaladhaa!

Waan isan akkanaan, midhaan guddoo baafatanii jara kiyya taataniif, Abbaan kiyyaa inguddifamaa.

Anin Zabibuu dhugaati, Abbaan kiyya abbaa oobruuti.

Namii na keessa hinteenne, akkuma damee alaattii gatani; duuba hingoga; dameelee sun walti guuraniitti ibiddaatti naqanii gubani.

Akka gammadii kiyya isan keessa taa'ee, gammadii keessaniilleen guutamuu anin waan kana cufaa yaayyuu isanitti hime.”

Akkuma anin seera Abbaa kiyyyaa cufaa guutee, jaalala isaa keessa taa'uu, isaniilleen seera kiyya cufaa yo guutan jaalala tiyya keessa teettani.

Waan kana duuba anin isanitti himaa, waljaaladhaa!” jedhe.

Adoo isan nama lafa tanaa taatanii, namii lafa tanaa akkuma waljaalatu isaniillee jaalata; ammoo waan isan nama lafaa hinta'iiniif ammallee waan anin lafa keessaa isan foohadheef, namii lafaa isan jibba.