Versete biblice populare din Seemthawhnak 1

Partajează

Cuhnukah Pathian ni, “Kanmah muihmel kengin, kanmah cawh in minung vua le hu; cun rili nga cungah, cun huih lak vapawl cungah, cun sumhnampawl, cun vulei parih sahraangpawl cungah, cun vulei parih bokvak thil phun kip cungah uknak thu ngei u seh,” tiah a ti. Curuangah Pathian ni amah ih muihmel kengin minung a vua, Pathian muihmel kengin minung a seemsuah hngai; pami leh numi a seemsuah hngai.

Pathian ni thlua a suah hngai ih, “Nan cii ṭha in pungzai uh, cun vulei hi khah uh; culeh rili nga cung leh huih lak vapawl cung leh vulei parih a vakmi ramsa leh sumnung phun kip cungah uknak thu ngei uh,” tiah a ti hngai.

A hramthawh ih Pathian ni vanpawl leh vulei a seemsuah a’khin

vulei cu pianthlai ngeilo kualawngpi a ii ih khuamaw ni a thuknang cu a khum, culeh Pathian thlarau cu tipawl ih muihmai cungah a leng.

Cutikah Pathian ni, “Khuatleu om seh,” tiah a ti; culeh khuatleu cu a om.

Pathian ni a vuakmi kip cu a hmu, culeh a ṭha taktak tiah a ti. Cun siimla liamin mawla a suak, a ni ruknak a ii.

Culeh Pathian ni khuatleu cu a ṭha ti a hmu; cun Pathian ni khuatleu cu khuamaw hemin a thia.

Cuhnukah Pathian ni, “Zoh hman uh vulei parih thlaici suah kho kung phun kip leh a vuang ah cii a ngeimi thingkung cang ka tan pia hngai; caw ah nan hmantia hngai thok.

Pathian ni khuatleu cu Sun tiah a vawh, cun khuamaw cu Zan tiah a vawh. Culeh siimla liamin mawla a suak, a ni khatnak a ii.

Culeh Pathian ni, “Tipawl laisim ah a kuumpi om seh, tipawl cu ṭhen hngai seh,” tiah a ti.

Cun vulei parih ramsa cang, huih lak vapawl cang, cun vulei parih bokvak cang, cun nunnak thaw a ngeimi cang, a hringmi kung cang caw ah ka tan pia hngai,” tiah a ti hngai. Culeh acuticun a ii.

Culeh Pathian ni, “Sun leh zan ṭhen dingah van kuum a’khin a tlemipawl om u seh; cun acule cu khuacaanpawl, nithla leh kumpawl minhlinnak ii u seh

Cuhnukah Pathian ni, “Vulei ni thlai kung, cii a ngeimi, cun vuang ngeimi kung a phunphun leh a vuang sungah cii a ngeimi vuang a vuang khomi kung phun kip, suahsak seh,” tiah a ti. Culeh acuticun a ii.

Curuangah Pathian ni a kuumpi tangih tipawl leh a kuumpi cungih tipawl ti in a ṭhen hngai. Culeh acuticun a ii.

Vulei ni thlai kung—cii phun kip a ngeimi kungpawl, cun an sungah cii a ngeimi vuang a vuangmi thingkung phun kip a han suah. Culeh Pathian ni acu cu a ṭha ti a hmu.

Pathian ni a tlemi hnem pipi pahnih: sunla uktu tleunak hnempi pakhat leh zan uktu ah a tiindeuhmi tleunak, cun arsipawl ti in a vua hngai.

Culeh Pathian ni, “Van tangih ommi tipawl cu hmunkhatah tumtia u sela, cun khur car lang seh,” tiah a ti. Culeh acuticun a ii. Pathian ni khur car cu Vulei a vawh, cun a tumtiami tipawl cu Rilipawl tiah a vawh hngai. Culeh Pathian ni acu cu a ṭha ti a hmu.

Pathian ni, “Nan cii ṭha in pungzai u la rili tipawl hi khah uh, cun vulei parah vapawl pungzai u seh,” tiah ti in thlua a suah hngai.

Cun Pathian ni, “Vulei ni sumnung phun kip hei suah seh: sumhnam, bokvakpawl leh vulei parih ramsa phun kip in,” tiah a ti. Culeh acuticun a ii.

Culeh Pathian ni, “Tipawl ni sumnung buur pipi hei suah hngai seh, cun vapawl vulei cungla ih van kuumpi ah soi u seh,” tiah a ti.

Pathian ni vulei ih ramsa phun kip, khur ih bokvak phun kip a vua hngai. Culeh Pathian ni acu cu a ṭha ti a hmu.