Versete biblice populare din 1. Mose 6

Partajează

Kowa dukas les an leskro dji. Un o baro Debles khaitas, kai kras job i menshen ap i phub.

O baro Dewel dikas, kai o menshengro tchilatchepen baro hi ap i phub. Halauter, hoi len an lengre djia hi, his tchilatcho o tselo diwes.

O Noah kokres his latcho glan o baro Debleskre jaka.

Kowa hi ko liil, kai tchinlo hi pral o Noah peskre tchawentsa. O Noah his i mursh, kai latcho un tchatcho his. I tsele menshendar an ko tsiro kras job kokres kek tchilatchepen. O Noah djiwas o Debleha.

Doleske penas o baro Dewel: “Me lau i tsele menshen, kai me krom, pale krik i phubjatar, ninna i viechen, i baren un i tiknen, un i tchirkle. Khaitell man, kai krom len.”

I menshe wan bud un budeder ap i phub. Un tcha wan boldo lendar. Koi dikan i Debleskre tchawe, har shukar i menshengre tcha hi. Un jon lan penge kolen, kai jon kaman, te romedinerenn jon len. Koi penas o baro Dewel: “Miro djipaskro ducho atchell gar hako tsiro an o mensheste. Job hi mass. Job well gar phureder har 120 (sheel-te-biish) bersha.” An ko tsiro, har i Debleskre tchawe khetne wan i menshengre tchentsa un lendar tchawe bolde wan, djiwan bare menshe ap i phub. Ninna pal ko tsiro. Kolla his tchatche mursha an ko phuro tsiro: baro un an-diklo.

Un o Noah kras lauter jaake, har o Dewel leske penas.

Doleske penas o Dewel ap o Noah: “Kolla, kai djiwenn ap i phub, kran, te was i phub pherdo tchilatchepen un midjak koowa. Kamau gar, te djiwenn le dureder. Awa, me krau, te merenn i tsele menshe un halauter, hoi ap i phub hi.

Kre tuke i panjeskro kheer dran sorelo kasht. Kre bud isema dren. Un mak win un dren teera pre!

Un i phub his buder gar latcho glan o Debleskre jaka. I menshe kran, kai his i phub pherdo tchilatchepen un midjak koowa. Har o Dewel ap i phub dikas, dikas lo, te djan i tsele menshe ap i tchilatcho drom.

I tsele viechendar, an dui kotar an o panjeskro kheer dren: i mursh un i djuwel, te atchenn le ninna djido.