Versete biblice populare din Ilu̍uku 21

Partajează

Ala̍ ā deyīkōkū, nīi ala̍ ge̍ jɔhā myɛ̄grāa-myɛ̄grāa; hɛ̄ɛbɛ nīi ala̍ ge̍ lwɔhu̍, ga ke̍e̍ lipu̍ yī lɛlā nūma̍ wa̍a̍ nīi ge̍ē ya̍ ma̍. Hɛ̄ɛbɛ nīi ala̍ ge̍ē lwɔhu̍ ē yarɛ la iyɔ̄bū yī Ɔyi̍ yī Ɔngrɔ̄ɔ.”

“Ala̍ ā gbo iyī ala̍! Ala̍ e̍e tu̍labɔ̄ hī iyī ala̍ wa̍a̍ lā de ojōre̍ oro̍ōre̍ ba̍la ɔjā ɔgwɔ̍ɔ̄gwa̍ ba̍la yɛ̄ngura yī ɔhɔ̄leyī nūma̍ wa̍a̍ ji ni̍. Nɛ̄ni̍, Ɔ̄chī ɔla̍ā ge̍ē wā dikpo̍ba̍ ala̍ i̍ngɔ̍ɔ lwɛ̍ɛ̍.

Ala̍ ā rɛ brii; ma̍a i̍ngɔ̍ɔ nīi ala̍ ge̍ē bī hɛ̍ iyī ala̍ ē ta̍ a̍nɛ.

Wu̍chē oji̍ nɛ, n ge̍ē de u̍blɛ̍ɛ̄nyī ɔnɛ̄ɛhɛhi ba̍la lɛlā ojo̍ōje̍ ka̍ka̍ nīi ge̍ē ya̍ nīi aluji yī ala̍ i̍ ge̍ē hīyɔkɔ kɛ̄ɛ ta̍ahu̍ mɛ ni̍ ma̍ ē de ala̍.

Ichō wa̍a̍ ba̍la ajɛyɛ̄ɛchɛ ma̍ ge̍ē chāajɛ. Lɛlā yī oko̍o yī u i̍ ge̍ē chāajɛ ge̍ē gbo mɛ ni̍.

“Lɛlā ɔchabɔ̄ ge̍ē hɔ̄ la yɛnɔ ba̍la ɔwīyā ba̍la i̍nyi̍nyɔ̍ɔwīyā. Alyɛchɛ nūma̍ wa̍a̍ ge̍ē gblāa la yɛ̄ngura lipu̍; e̍ ge̍ē de ē hɛ̍ ko̍ō la uhwi otōtū. Ojiya yī li̍hu ba̍la a̍kpa̍yēenyi ge̍ē re̍ka ɔcha̍hoho̍o! Āchɛ wa̍a̍ ge̍ē de kpo̍ hi̍yenyi bāa opwe̍pwe̍ ma̍ la uhwi otōtū, nīi e̍ ge̍ē gblāa ma̍ ē gbēyī yī ɔjā nīi yɛ ē wā ge̍ē ya̍ yɛchɛ ma̍. Wu̍chē oji̍ nɛ, wɔhu̍ yī ɔjāha̍-ɔjāha̍ wa̍a̍ abɔ̍ɔ la ichō ge̍ he̍ejē mɔri̍mɔri̍. Bɛ̍ɛ̄nɛ̄ ma̍, Ɔyi̍ yī Ɔngrɔ̄ɔ ge̍ē bīyɛchɛ ē bū abɔ̍ɔ la akpɔ̍ɔwɔ ē wā, la wɔhu̍ ɔnɔ̄kɔ̄kū yī nū ba̍la rīgā ɔnɔ̄kɔ̄kū yī nū.

Ala̍ ge̍ē de ē ta̍ āchɛ wa̍a̍ anyī wu̍chē yī u.

Ajɛ ge̍ē he̍ejē wɔhu̍-wɔhu̍ la ɛbɛha̍-ɛbɛha̍ wa̍a̍. Lɛmiyɛ ɔdwɔ̄bi̍, ba̍la ɔgawu ɔdwɔ̄bi̍ ɔdwɔnyɛ ge̍ē hɔ̄ la ɛbɛha̍-ɛbɛha̍ wa̍a̍. Lɛlā okwi̍bi̍īyē grigri ba̍la lɛlā ode chabɔ̄ ɔnɔ̄kɔ̄kū ge̍ē hɔ̄ abɔ̍ɔ la ichō.

Ala̍ ge̍ē po̍ wɔ̄kā yī lɛwu̍ ba̍la ɛbɛ ode ti̍yatū ju̍gūjugū ma̍, ala̍ e̍e tūuhwi ni̍. Lɛlā oli̍ngɔ̍ɔ wa̍a̍ ma̍ ge̍ē ya̍. Ɔla̍ā i̍ chī re̍ka ɔ̄chī ɔkwɛ̍ɛjī hōhī kurɛkurɛ mɛ̍ ni̍.” Iji̍sɔ̄ɔsi gba̍a koko̍o de wa̍ ga iyɔ̄bū iyɔ̄bū bɛ̍ɛ̄nɛ̄ hīka, “Ɔcha ɔha̍ ge̍ē kplɛ̍wu̍ tāa ɔcha ɔha̍. Ɔcha yī ɔchwɔ̄lɛ̍ ɔha̍ ge̍ē nyɔ̄ lɛwu̍ la okpo̍ tāa ɔcha yī ɔchwɔ̄lɛ̍ ɔha̍.

“Lɛlā ɔchabɔ̄ ge̍ē hɔ̄ la yɛnɔ ba̍la ɔwīyā ba̍la i̍nyi̍nyɔ̍ɔwīyā. Alyɛchɛ nūma̍ wa̍a̍ ge̍ē gblāa la yɛ̄ngura lipu̍; e̍ ge̍ē de ē hɛ̍ ko̍ō la uhwi otōtū. Ojiya yī li̍hu ba̍la a̍kpa̍yēenyi ge̍ē re̍ka ɔcha̍hoho̍o! Āchɛ wa̍a̍ ge̍ē de kpo̍ hi̍yenyi bāa opwe̍pwe̍ ma̍ la uhwi otōtū, nīi e̍ ge̍ē gblāa ma̍ ē gbēyī yī ɔjā nīi yɛ ē wā ge̍ē ya̍ yɛchɛ ma̍. Wu̍chē oji̍ nɛ, wɔhu̍ yī ɔjāha̍-ɔjāha̍ wa̍a̍ abɔ̍ɔ la ichō ge̍ he̍ejē mɔri̍mɔri̍.

Iji̍sɔ̄ɔsi gba̍a koko̍o de wa̍ ga iyɔ̄bū iyɔ̄bū bɛ̍ɛ̄nɛ̄ hīka, “Ɔcha ɔha̍ ge̍ē kplɛ̍wu̍ tāa ɔcha ɔha̍. Ɔcha yī ɔchwɔ̄lɛ̍ ɔha̍ ge̍ē nyɔ̄ lɛwu̍ la okpo̍ tāa ɔcha yī ɔchwɔ̄lɛ̍ ɔha̍.

Iji̍sɔ̄ɔsi koko̍o de wa̍ bɛ̍ɛ̄nɛ̄ hīka, “Ala̍ ā deyīrɛ grigri, ala̍ e̍e chɛ̄ nīi e̍ ge̍ gla̍ ala̍ ni̍! Wu̍chē oji̍ nɛ, āchɛ yɛ̄mɛ̄mɛ̄ ge̍ē wā la riyī yī u ge̍ē ka hīka, aɛ̍lɛ - amɔ̍lɔ nɛ; yɛ̄grāa ɔ̍lɔma̍ ɔ̍lɔ de gbajɛ mɛ̍! Ala̍ e̍e chɛ̄ku wa̍ ni̍.