Versete biblice populare din MARIKI 6

Partajează

A y'a fɔ u ye ko: “Aw ye na an ka taa an danna yɔrɔ dɔ la janko aw ka lafinyɛ yen dɔɔni.” A y'o fɔ bari mɔgɔ caaman tun bɛ taa u fɛ, dɔw bɛ taa ni dɔw bɛ segi fɔɔ Yezu n'a ka kalandenw tun tɛ waati yɛrɛ sɔrɔ ka dumuni kɛ.

Nga Yezu y'a fɔ u ye ko: “Kira bɛ bonya sɔrɔ yɔrɔ bɛɛ, fɔɔ a ka dugumɔgɔw n'a balimaw an'a ka somɔgɔw cɛma.”

Yezu n'a ka kalandenw sera yen tuma min na, a bɔtɔ kurun kɔnɔ, a ye jamaba ye. U hinɛ donna a la, bari o mɔgɔw tun bɛ a nyana i n'a fɔ dɛndɛbaga tɛ saga minw na. A y'a daminɛ k'u kalan fɛɛn caaman na.

Yezu y'a bolo la banabagatɔ dɔw kan k'u kɛnɛya. A ma se ka kabako si kɛ yen ka fara o kan. U ma la Yezu la minkɛ, o y'a kabakoya. O kɔ, a taara u lamini duguw la ka mɔgɔw kalan.

Yezu ye burukun duuru ni jigɛ fila nunu ta, k'a nyaa kɔrɔ ta sanfɛ ka barika la Ala ye. A sɔrɔla ka burukunw tilantilan k'u di a ka kalandenw ma, k'u k'a tilan mɔgɔw cɛ. A ye jigɛ fila fana tilan u bɛɛ cɛ. U bɛɛ ye dumuni kɛ fɔɔ ka fa. Buru ni jigɛ tɔɔ min tora, kalandenw y'o cɛ ka segi tan ni fila fa n'o ye.