Versete biblice populare din MARIKI 12

Partajează

Yezu y'a jaabi ko: “Sariya min koo ka gwɛlɛ Ala ma ka tɛmɛ tɔw bɛɛ kan, o filɛ nin ye: ‘Isirayɛlidenw, aw ka mɛnni kɛ. Matigi an ka Ala ye Matigi kelenpe le ye. I k'i Matigi Ala kanu i dusu la, i kɔnɔ na, i hakili la n'i barika bɛɛ ye.’ Min bɛ tugu o la, o filɛ nin ye: ‘I k'i mɔgɔnyɔgɔn kanu i n'a fɔ i b'i yɛrɛ kanu cogo min na.’ Sariya wɛrɛ si koo man gwɛlɛ Ala ma ka olu fila bɔ.”

O tuma na, Yezu ye muso nin yira kalandenw na k'a fɔ u ye ko: “Tinyɛ na, ne b'a fɔ aw ye ko firiyamuso dɛsɛbagatɔ nin ye wari min don kɛsu kɔnɔ, o ka ca ni mɔgɔ tɔw bɛɛ ta ye. Mɔgɔ tɔw ye dɔɔni dɔrɔn bɔ u ka nafolo la k'a di, nga ale kɔni n'a ka faantanya bɛɛ, a y'a cɛɛn bɛɛ di. A ma foyi to a kun ka kɛ dumuni sɔngɔ ye k'a sɔrɔ dumunifɛn si t'a fɛ.”

Wari tun bɛ don kɛsu min na Alabatosoba kɔnɔ, Yezu sigira k'a nyaa sin o ma. A tun bɛ mɔgɔw ka wari doncogo filɛ. Nafolotigi caaman ye wari caaman don o kɛsu kɔnɔ. Firiyamuso dɛsɛbagatɔ dɔ nana ka warimisɛn deen fila don yen. O wari hakɛ tun tɛ tɛmɛ tama kelen nyɔgɔn kan.

Ka Ala kanu i dusu la, i hakili la n'i barika bɛɛ ye, ani k'i mɔgɔnyɔgɔn kanu i n'a fɔ i b'i yɛrɛ kanu cogo min na, o ka fisa ni saraka sifa bɛɛ ye, saraka jɛnitaw fara jɛnibaliw kan.”

O tuma na, Yezu y'a fɔ u ye ko: “Fɛɛn min ye masacɛ ta ye, aw k'o di masacɛ ma, ka Ala ta di Ala ma.” O kuma nin y'u kabakoya kosɛbɛ.