Versete biblice populare din Malika 16

Împărtășește

Neke avalongelage atigilage: muhelelage ku-ńi jonda, mukafidalikilage ifigavwa fyonda ilyevangeli.

Neke ifyene ifilôle, ifilagendasa navańa-kufuvwa, fye ifi: imidemono valagilosehedza mwitavwa lyangu june, valalongela mundongele idzingi, nindzoka valibata hela; kangi nde vańwedzage ifitege, napo fisilavavulaga; avatamwa valavavīka ilivoko, apo swe valapona.

Neke umuńa-kufuvwa nukudzabikwa, ujo alapona, neke lino je asifuvwa, aladadila.

Neke baho avene ukuhuma baho neke vahelelage, vadzipulisage ponda inôngwa. Neke umutwa avimilage pamalimo ganavo neke ilidzwi lyanavo alihulilage ingufu mufilŏle, ifyagendasaga.

Neke umwene atigilage: mutane ukogopa! Mukumusakula ju Jesu uva mu-Nasalete, umupindu-lihidzwa; adzulubwike, asimwali muno; mungalola ikivulu, pe vakamulambalike, asupali.

Neke lino pe vimeha neke vavonage iliganga libilwike, pakuva lyali likomi hîlo. Neke baho vafikage neke vingilage mumombwe neke vavonage mwali umuvinano, akoṅomye kwivoko ilya ndyo, afwete umwlngila umutali umuvalafu gwa kobo. Neke baho vatinukage.