Versete biblice populare din Malika 12

Partajează

Neke baho umwene Jesu apilusage neke atigilage: ululagi, ululutye, lwe ulu ulwitigila: „Pulika, ve Jisilahele, umutwa, Nguluvi visu, mutwa jumwinga swe. Je umwendage na ji numbula jako jonda na gu mutima gwako gonda na lu lwitaṅanidzo lwako londa na dzi ngufu dzako dzonda.“ Ulungi ulujagwe, lwitigila: na ju mujago umwendage, ndevye vwijendile juve.

Neke baho Jesu avakemelage avańigendwa vakwe neke avalongelage atigilage: ndakyene ndikuvavula unene nditigila umukiṅinavo umufwile umuhangala uju avalutye vonda ukusopa, avakisopa mukihava kya mâli muno. Ndivwene vonda ava, pe visopa, vikwinula ifilemuka, neke uju inulye ṅani fi fya pavuhangala vwakwe, fyonda fye aka nafyo, ifya kuponela ju mwene.

Neke baho Jesu pakwikala neke ikalage vudońeṅano nikihava, kye vitovela imâli. Neke avonage avanu visopa imâli mukihava. Neke avonage avamosi visopa imâli janavo indzolofu. Neke baho avonage numukiṅinavo umufwile umuhangala jumwinga akwisopela utwa pavulingi tuvili, utwa pahela jimwinga.

Nulwa vwênde, lwe utigye tumwendage jujo na ji numbula jonda na lu lwivonelo londa na dzi ngufu dzonda, nuvwênde uvwa kumwenda umujagwe, lwe lulutye lulo na kuvusembe uvuńańe vonda na kuvusembe ṅani.

Neke baho Jesu apilusage atigilage: apo humbi mumupelage Kesale ifya pavukesale vwakwe, neke na ju Nguluvi mumutavulilage ifya pavunguluvi vwakwe. Neke baho vamudzumage.