Versete biblice populare din Matye 14

Partajează

Bunë kwamoni mpeemo yinenë wusë ba mu boomë i kutoonë kusiindë, na wusë losukë : « A Fumu, m'puuci! » Yeesu kulengë n'taambë kooko, kun'siimbë, i wusë n'kaambë : « A mungë lufyaatu lucyeeci! Simpakë si mbici? »

Bunë kwamoni mpeemo yinenë wusë ba mu boomë i kutoonë kusiindë, na wusë losukë : « A Fumu, m'puuci! »

Yeesu kusundilë kubëkaambë : « Cidaanu bitu, miinwaawu, lubacyaanu boomë ko! »

Pyeelë wusë n'vutulë : « A Fumu, ningë njeeyi, n'tumisi yiisë ke njeeyi fë yilu masi. » — Yeesu wusë n'kaambë « Yisë! » Pyeelë kwatuuci mu likuumbi, ke lyaataangë fë yilu masi mu kweendë ke Yeesu.

Oboobo banë babë mu likuumbi kukukumë fë nduunzwaandi i bisë tubë : « Cibeeni, njeeyi wuli Mwaanë Nzaambi! »

Yeesu wusë bëkaambë : « Fëkeeli n'ciinzë ko baawu mu kweendë, kasi bëvaanyaanu benuveekë bikulya! » Baawu bisë n'vutulilë : « Afa, kanuku mëmpa më taanu mëke yiitu i mbisi wali. »

I wusë bëkaambë : « N'twalilaanu byaawu. » Wusë vaanë n'swa ke sinkoongë bëkalë fë bitiiti. Bunë kwaboonji mëmpa më taanu i simbisi siwali, wusë sendulë meeso ku yilu, wusë toondë Nzaambi. Kwamukëni mëmpa wusë mëtambikë ke bilaanzi, bwiinji bëkabilë sinkoongë.

Bakë booso bisë lya i kukutu. Bisë waasi kuumi mikutë wali yi bitini bisobilë.