Versete biblice populare din मत्ती 4

Partajează

यीशुऐ बल्लू; “पवित्रग्रन्था मन्ज लिखुरा कि मणु सिर्फ रोटी खाई करी ही ना, पर हरेक तैस बचन थऊँ जिन्दा रैई सकदा, जैडा कि प्रमात्मैं रै मुँहा थऊँ नकैन्दा।”

ता यीशुऐ तैस सोगी बल्लू; “हे शैतान दूर भूच्ची गा, क्ओकि पवित्रग्रन्था मन्ज लिखुरी कि” “तू प्रभु अपणै प्रमात्मैं रै ही अगो झूकैं अतै सिर्फ तैसिओ प्रणाम करै।”

यीशुऐ तैस सितै बल्लू “पवित्रग्रन्था मन्ज ऐह भी लिखुरी, तू प्रभु अपणै प्रमात्मैं री परीक्षा मत कर।”

फिरी पवित्र आत्मा यीशु जो बियावान मन्ज लेई गो, ताकि शैतान तसेरी परीक्षा करी सका। यीशुऐ चाळी दिन रात कुछ ना खाऊ, फिरी तैसिओ भूख लगी।

अतै तिनी तियां जो बल्लू, “मेरै पिचो चली अईआ, मुँ तुसिओ मणु जो इक्‍कठा करना अतै तियां जो प्रमात्मैं पिचो चलनै बाळा बणाणा।” सो तैहणै ही अपणै जाला जो छड़ी करी तैस पिचो चली पै।

तैस टैमां थऊँ यीशु प्रचार करना अतै ऐह बलणा शुरू करू, कि “अपणै पापा थऊँ मन फेरा क्ओकि स्वर्गा रा राज्य नेड़ै चली आ।”