Versete biblice populare din Kîam 1

Partajează

Mûrungu arauga, “Ga-tûûmbe muntû arî mûng'uanano jweetû, akari ta baatuî. Nabo baathage makûyû ja îria na baathage nyoni, na baathage nyomoo na baathage nthî yonthe, na baathage bionthe birîa biikururagia na kîu.” Tontû bûû, Mûrungu aroomba muntû ûng'uaneene nawe; aroomba ntomûrûme na mûka.

Mûrungu arabatharima na arabeera atîrî, “Ciaraneni na bûthegee, bûûjûre nthîgûrûûne. Ningî bwathage makûyû ja îria na bwathage nyoni na bwathage gîntû kîonthe kîrî mwoyo kîrîa gîîtaîtaga nthîgûrû.”

Kîambîrîrieene Mûrungu nî oombîre îgûrû na nthî.

Nayo nthî îtaarî na mûûmbîre kinya jûrîkû na yaarî întheri, na îria rîakunîki nî muundu. Roho wa Mûrungu nî eetaîtaga îgûrû rîa rûûjî.

Mûrungu arauga, “Nî kûgîe weerû.” Nakû kûragîa weerû.

Mûrungu aaraithîria into bionthe birîa oombîte, aroona birî bibiega mono. Naku nî gwatukîre, na kûrakea, îîu îraa ntukû ya ithanthatû.

Mûrungu aroona weerû bûrî bûbwega na araathûrana weerû kuuma kîrî muundu.

Mûrungu arauga, “Atîrî, ndîkubwaa o kîmera kîonthe kîrîa gîciaraga mpîndî kîrîa kîrî nthîgûrûûne kunthe, na mîtî yonthe îrîa îciaraga matuunda jarî na mpîndî. Nabio bikethagîrwa birî biakûrîa bieenu.

Mûrungu areeta weerû mûthenya, na muundu arajwîta ûtukû. Naku nî gwaatukîre na kûrakea, îîu îraa ntukû ya mbere.

Mûrungu arauga, “Nî kûgîe îgûrû rîriirû rîathûrane rûûjî rûrîa rûrî îgûrû mono na rûrîa rûrî bwa nthî.”

Ningî ndîkûbwaa nyamû cionthe cia nthîgûrû na nyoni cionthe na bionthe birîa biikururagia; o gîntû kîonthe kîrîa kîrî mwoyo. Ningî ndîkûbwaa kinya îmera bionthe biee biakûrîa bieenu.” Naku kûrakara o ûu.

Mûrungu arauga, “Nî kûgîe into bikûthaara îgûrû rîrîa riirû nîkenda biathûrana mûthenya na ûtukû. Nabio biîthîrwe birî bia kwonanagia ndwano cia biingo, na cia matukû na mîaka.

Mûrungu arauga, “Nthî nî yume imera; yume imera birîa biciaraga mpîndî, na yume mîtî ya matuunda ya mîthemba yonthe îrîa îciaraga matuunda jarî na mpîndî ndeene.” Naku kûrakara o ûu.

Mûrungu arathithia îgûrû rîu riirû narîo rîraathûrana rûûjî rûrîa rwaarî îgûrû rîaarîo na rûrîa rwaarî rungu rwarîo. Naku kûrakara o ûu.

Nthî îrauma imera; imera bia mîthemba yonthe birîa biciaraga mpîndî, na mîtî ya matuunda ya mîthemba yonthe îrîa îciaraga matuunda jarî na mpîndî ndeene. Mûrungu aroona bûu nî bûbwega.

Mûrungu arathithia imûrî biîrî birî na weerû bûbwingî. Kîmwe kîmûrikage mûthenya na kîngî kîmûrîkage ûtukû. Ningî nî aathithîrie njota kinya cio.

Mûrungu arauga, “Rûûjî rûrîa rûrî rungu rwa îgûrû rîriirû nî rûûthûrane antû amwe, nthî înjûmo yumîre.” Naku kûrakara o ûu. Mûrungu areeta kûu kwaarî gûkûûmo, “Nthî” na rûûjî rûrîa rwothûranîre amwe ararwîta “Îria.” Mûrungu aroona bûu nî bûbwega.

Mûrungu aratharima biûmbe biu akiugaga, “Ciaraneni na bûthegee, bûûjûre marieene. Nyoni nacio nî ithegee nthîgûrûûne.”

Mûrungu arauga atîrî, “Nthî nî îgîte biûmbe birî mwoyo bia mîthemba yonthe; kûgîe nyomoo, na nyamû irîa ciikuuragia na kîu, na nyamû cia kîthaka cia mîthemba yonthe.” Naku kûrakara o ûu.

Mûrungu arauga, “Ndûûjî nî ciûjûre biûmbe birîa birî mwoyo na nyoni nacio nî ibuurûûke îgûrû.”

Mûrungu aroomba nyamû cia mîthemba yonthe. Aroomba nyomoo cia mîthemba yonthe na birîa bionthe bikuaga na nthî. Mûrungu aroona bûu nî bûbwega.