Versete biblice populare din Mak 2

Partajează

Gyisɛse dele mɔɔ bɛhanle la na ɔbuale kɛ, “Menli mɔɔ te kpɔkɛ la ɛngyia ninsinli nwo kɛ wuleravolɛma. Meamba kɛ mebavɛlɛ bɛdabɛ mɔɔ bɛkpazi la. Membale menli mɔɔ awie ɛmbu bɛ bie la ɛvɛlɛlɛ.”

Gyisɛse nwunle menli ne mɔ diedi la, ɔzele nrenya ne mɔɔ ɛdwidwe la kɛ, “Me ra, bɛva wɔ ɛtane ne mɔ bɛhyɛ wɔ.”

Gyisɛse hanle zɔle zolɛ kɛ, “Nyamenle hyehyɛle Ɛnwomenlelielɛ Kenle ne dole ɛkɛ manle sonla ye ɛkpazilɛ; na tɛ Ɛnwomenlelielɛ Kenle ne ati a bɛbɔle sonla a.

Menli ne kɛ si zonle la ati, bɛannyia adenle bɛangɔ Gyisɛse anwo ɛkɛ ne. Zɔhane ati bɛhɔpɛle tokule wɔ sua ne ati zo, ɛleka mɔɔ Gyisɛse de la, na bɛdwulale nrenya ne ɛkpa nu wɔ ɛkɛ.

Akee memaa bɛanwu kɛ medame Sonla Ra, melɛ tumi wɔ azɛlɛ ye azo kɛ mefa ɛtane mekyɛ.” Na ɔhanle ɔhilele nrenya ne mɔɔ ɛdwidwe la kɛ, “Mese, dwazo, nyenya wɔ ɛkpa ne na kɔ sua nu!”

Boni a ye ɛhanlɛ ɛnyɛ se kpalɛ a, kɛ ɛka wɔahile nrenya ye mɔɔ ɛdwidwe la kɛ, ‘Bɛva wɔ ɛtane ne mɔ bɛhyɛ wɔ’, anzɛɛ ‘Dwazo, nyenya wɔ ɛkpa ne na kɔ?’

Menli ne mɔ anye zo ɛkɛ ne ala, nrenya ne mɔɔ ɛdwidwe la dwazole, ɔnyenyanle ye ɛkpa ne na ɔhɔle ndɛndɛ. Ɛhye yɛle menli ne amuala nwanwane kpole na bɛyele Nyamenle ayɛlɛ bɛzele kɛ, “Yɛtɛnwunle debie mɔɔ le zɛhae la bie ɛlɛ.”