Versete biblice populare din MARCOS 11

Partajează

Le o'olale' quin wa'alic ti' te'ex, je'el ba'axac ca a káate'ex ich payalchi'e', wa ca wocsaj óoltique'ex dzo'oc a kamique'exe', yaan a kamique'ex.

Tumen tu jaajil quin wa'alic ti' te'ex, je'el máaxac ca u ya'al ti' le witza': Tzelabáa te'ela', pulabáa ka'anab, wa mina'an ca'a p'éel óolal ti' u pucsi'ikale', ba'ale' cu yocsaj óoltic yaan u yúuchul le ba'ax tu ya'alajo', bey túuno' cu yúuchul.

Payalchi'inaque'exe', wa yaan ba'ax ca yaayaj óoltique'ex tu yo'olal wa máaxe' sa'atse'ex ti', u ti'al ca sa'atsa'ac xan a kebane'ex tumen a Taataex yaan te j ca'ano'.

Jesuse' tu núucaj ti': Yanac a wocsaj óolale'ex ti' Ku.

Ca tu ca'ansaj ti'ob táan u ya'alic: Ti' le Quili'ich Dzíibo' cu ya'alic Ku: In wotoche' yaan u kaaba'intic u najil payalchi' u ti'al tuláacal caajo'ob, ba'ale' te'exe' dzo'oc a sutique'ex u sajcab j oocolo'ob.

Le máaxo'ob cu bino'ob táanil yéetel le máaxo'ob cu taalo'ob paachile', jo'op' u ka'am a'alico'ob: ¡Hosanna! ¡Qui'iqui' t'anta'ac máax cu taal tu kaaba' Yuumtzil!

¡Qui'iqui' t'anta'ac le ajawil cu taalo', u ajawil c taata David! ¡Hosanna ti' Junab Ku!