Versete biblice populare din JUAN 16

Partajează

Táan in wa'alic ti' te'ex tuláacal le ba'alo'oba' u ti'al ca yanac ti' te'ex jéedzel le quéen a nupaba'ex ti' teen. Ti' le yóokolcaabo' te'exe' yaan a mukyaje'ex, ba'ale' yanac a wóole'ex, tumen tene' dzo'oc in dzáanche'etic yóokolcaab.

Le quéen taalac u Pixan le jaajo' leti' cun ca'ansic te'ex tuláacal le jaajo', tumen ma' túun t'aan tu juunal yóol, ba'ale' yaan u ya'alic tuláacal le ba'ax cun u yu'ube' yéetel yaan u beetic a wojéeltique'ex tuláacal le ba'alo'ob bíin úuchuco'.

Tac beora' mix ba'al a káate'ex tin kaaba'; káate'ex ca a kame'ex, u ti'al ca chu'upuc a pucsi'ikale'ex yéetel qui'imac óolal.

Tene' quin wa'alic ti' te'ex u jaajil, asab ma'alob a ti'al te'ex ca xi'iquen. Tumen wa ma' tin bine' ma' túun taal u ti'al antal ta wéetele'ex le máax áantique'ex yéetel cu dzáic a wóole'exo', ba'ale' wa quin bine' yaan in túuxtic. Le quéen taalaque' yaan u beetic u kaj óoltic u máaquilo'ob yóokolcaabe' yaan u kebano'ob, yaan xan jun p'éel ma'alob bej, yéetel Ku xan cun p'is óoltico'ob.

Bey xan te'ex táan a mukyaje'ex beora', ba'ale' yaan in suut in wile'ex; le quéen suunaquene' yaan u chu'upul a pucsi'ikale'ex yéetel qui'imac óolal, jun p'éel qui'imac óolal mix máac cun páajtal u lukesic te'ex. Ti' le kiino' mixba'al can a káate'ex ti' teen. Tu jaajil, tu jaajil quin wa'alic ti' te'ex, tuláacal ba'ax ca a káate'ex tin kaaba' ti' le Taatao', bíin u dzáa te'ex.

Tu jaajil, tu jaajil quin wa'alic ti' te'exe' yaan a wokole'ex yéetel yaan u yantal te'ex yaayaj óolal, ba'ale' u máaquilo'ob yóokolcaabe' yaan u qui'imacchajal u yóolo'ob. Bey túuno', quex yaan te'ex yaayaj óolale', a yaayaj óolale'exe' yaan u suut qui'imac óolalil.