Versete biblice populare din JUAN 10

Partajează

Le j oocolo' chéen cu taal u ti'al oocol, quiimsaj yéetel xu'ulsaj, ba'ale' tene' taalaja'anen u ti'al ca yanac cuxtal ti'ob, cuxtal ca jach ya'abac ti'ob.

Teen le ma'alob aj canan tamano'. Le ma'alob aj canan tamano' cu dzáic u cuxtal tu yo'olal u j tamano'ob.

In tamano'obe' cu kaj óoltico'ob in t'aan, tene' in kaj óolo'ob yéetel cu taalo'ob tin paach.

Teen dzáic cuxtal mina'an u xuul ti'ob, mix bikin bíin quíimico'ob, yéetel ma' bíin jáanpayta'aco'ob tin kab tumen mix máaqui'.

Teen le jool najo'; le máax cu yocol ti' tene' bíin to'ococ, yéetel bíin béeychajac je'el bix jun túul j taman cu yocol yéetel cu jóokol u ti'al u caxtic u janal.

Teen le ma'alob aj canan tamano'. In kaj óol in tamano'ob, le in ti'alo'obo' u kaj óoleno'ob xan

Dza'ano'ob ti' teen tumen in Taata, leti'e' mas nojoch ti' tuláacal, mix máac cu páajtal u jáanpaytico'ob tu kab leti'. Teen yéetel le Taatao' jun túulili'on.

je'el bix in Taata u kaj óoleno', yéetel in kaj óol in Taatao'. Tene' quin dzáic in cuxtal tu yo'olal le j tamano'obo'.

Mix máac cu lukesic in cuxtal ba'ale' teen dzáic tu juunal in wóolal. Yaan teen páajtalil in dzáic bey xan yaan teen páajtalil u ti'al in kamic tu ca'a téen. Bey tu ya'aljilac teen in Taata.

Jesuse' tu ca'a a'alaj ti'ob túun: Tu jaajil, tu jaajil quin wa'alic ti' te'ex: Teen le jool naj tu'ux cu yocol le j tamano'obo'.

Ba'ale' le máax cu meyaj chéen tu yo'olal le bo'olalo', le quéen u yil u taal le kaakas ba'alche'o' cu p'atic le j tamano'obo' u ti'al u púudzul, tumen ma' leti' le aj canan tamano' yéetel le j tamano'obo' ma' u ti'ali'. Bey túuno' le kaakas ba'alche'o' cu jáanpaytic yéetel cu t'i'it'besic le j tamano'obo'.

Tu jaajil, tu jaajil, quin wa'alic ti' te'ex, le máax ma' tu yocol tu jool najil tu'ux cu ka'alal j tamano'obe', ba'ale' cu yocol táanxel tu'uxe', jun túul j ocol yéetel loolob máac.