Versete biblice populare din Oluka 14

Împărtășește

Areyaŋ a mbo la a klo o lu me ma le, o dzu omgbybi baŋ a tla adaŋ, ta la anaŋ, ta la ashe baŋ, pa la moanwye baŋ, pa la moanáŋ, ta la eshri baŋ a mbo.

Areyaŋ a mbo la a bmi a kpo ewu okyku me mbo le, a tse ma baŋ a lu me ma mbo.

Okyku eshi areyaŋ a mbo la a la a sko eshri baŋ a zga la ekʼpo, moa á sko ŋa á zga akplokyeŋ mbo, nga areyaŋ a mbo la a sko eshri baŋ a zga akplokyeŋ mbo, moa á sko ŋa á zga la ekʼpo.

Eyesu a sa a lu mi le, Ekakahelo angyiŋ, akyeŋ eshki bimi a kpo a gbu baŋ a dzu anwyeotum me mbo o wo le a dzu ekployaŋ a mbo baŋ a wo la alo ma a zga ayga dne.

O wo ba akyeŋ eshki bimi a zga aga ba o mbdzi odne le, a dzu obiŋ shu a mbga a ka eka ekplo la e ba e sko, nga okyku o daŋ a ka eka amgbaŋ baŋ a wo la alo ma okyku otum lo. O wo baŋ a kpo eka he ayga mbo le, á kpo á gbu baŋ a hwiŋ amgbaŋ la á ba a tse otum lo mbo. O wo baŋ a zga esi a khwo ayga ba otum lo o tspi le, areyaŋ a mbo la a ka lo á nyuŋ are he lo ega. Eyesu a lu mi le, Alom he lo a zga esi ba o mbdzi odne, ambo a kpo lo a gbu mbo!

Omba boŋ o kpo abgo le, o bzi moaekŋe pa la moa la a buŋ adga, pa la moa la a shla adga, pa la moavgayi, nga Ahogbrẽ á shri owlama á shri á doŋ, okyku eshi moahi lo a wo la ozhẽ-okyeŋ ba o bla alo o kpo ŋo ma mbo. Ahogbrẽ á shri owlama á doŋ omba ba moa á kso moaodlodzi ongybi.

Eŋe e raŋ, ambo o wo ba oraŋ lo o kpu le, ekplokyeŋ la e nyuŋ lo e kpo e gbu e wo ma mbo. Eŋe he lo e wo edzi okyku o shri o ygi agbi, o mbo le ekro dne a mo. Moa á shri lo á ygi a bi. Okyku eka he, o wo boŋ o wo la atuŋ ma le, o ngli o gno!