Versete biblice populare din MATIU 16

Partajează

Vunu i Jisas mo kwaha mana nona ngwalagelo maira mo viti kwara, “Diko te tangaloi u lengaia kwara ne huriau, ne tiraki na nona domidomi sibona, ne kwali na kaibetuna, ne huriau.

Vae hikani na viti lakwako, i nigo i Pita, i nigo a vatu. Vae hivoulu lo vatu hikani na tabe na nogu kwarelua* ne tu, vae a huirana na mateana nehe vai lai te kwara ne guia.

Na beteki na ki lakwako, aira a ki na Vanua Karagwa hinea i God u hugwe koroa. A havakinau hinea kona kwaha suri hike lo varamana, i God lolo taetae ne kwaha suria vake. A havakinau hinea kona tiraki hike lo varamana, i God lolo taetae ne tirakinia vake.”

Diko te tangaloi ne uti na mamaurianana vae ne vai salakinia, vae ihe hinea ne tiraki na mamaurianana huriau neri hagwe na ahiana.

Diko te tangaloi u lai savi na vivilagoki na varamana doluaki vae diko a mamaurianana ne sala, vae nehe hagwe na kinau te vohoki. A kinau tikei kwara a tangaloi ne volitukuhi na mamaurianana kinia.

Vunu mo uduhuri kinira mo viti “?Vae i kamu tulu viti kwara i nau ihe?” I Saemon Pita mo daraki mo viti kwara, “I nigo i Vurae*, i Natu i God Tatoka.”

Vunu i Jisas mo daraki mo viti kwara, “Saemon, natu i Sione, ne havutiko, huri hete tangaloi kwara u viti na kinau hi lakwako, vae i Tamagu lolo taetae u vosangia lakwako bakotoki.