Versete biblice populare din Luka 11

Partajează

Eer siz, ani fenaysınız, bilärseniz uşaklarınıza ii baaşışlar vermää, nekadar taa çok sizin Gökteki Bobanız verecek Ayoz Duhu onnara, kim Ondan isteyecek».

Onun için deerim sizä: isteyin – da verilecek; aarayın – da bulacenız; urun – da açılacek.

Zerä kim isteer – edener, kim aarêêr – bulêr, hem kim urêr – ona açılêr.

İisus dedi: «Açan dua edersiniz, deyin: „/Ey göklerdä olan/ Boba, Ko ayozlansın Senin adın. Ko gelsin Senin Padişahlıın. /Ko olsun Senin istediin, nicä göktä, ölä erdä dä./

Baaşla bizim günahlarımızı, Zerä biz dä baaşlêêrız hepsini, kim bizä borçlu. Götürmä bizi denemeyä, /Ama kurtar kötü olandan/“».

Hergünkü ekmeemizi her gün bizä ver.

Göz – güüdenin aydınnıı. Eer senin gözün saa olarsaydı, bütün güüdän aydınnıkta olacek. Ama senin gözün kötüseydi, bütün güüdän karannıkta kalacek.

Kimsey tutuşturmêêr şafkı, ki koysun onu bir saklı erä eki küp altına, ama koyêr onu kandillik üstünä, ki kim girer, görsünnär aydınnıı.