Versete biblice populare din IOANE 17

Partajează

Ke fakatapu ne koe latou ki te munatonu; i tau muna se munatonu.

Kae tenei te ola se gata mai: ke iloa ne tino i a koe ko te Atua tonu e tokotasi, kae ke iloa foki ne latou i a Iesu Keliso ne uga mai ne koe.

“E se fakapito fua taku 'talo mo latou konei, kae mo latou foki kola e fakatuanaki ki a au ona ko te talaiga a latou. Ko te mea ke tasi latou katoa, e pela mo koe te Tamana e i loto i a au, mo au foki e i loto i a koe, ke tasi foki latou i loto ia taua; ko te mea ke talitonu te lalolagi me ne uga mai ne koe au.

Au e se 'talo atu ke ave ne koe latou keatea mai te lalolagi, ka ko au e 'talo atu ke tausi latou ne koe mai te Tino Masei.

Ko te 'malu foki ko aumai ne koe ki a au, ko oti ne tuku atu ne au ki a latou, ko te mea ke tasi latou, e pela mo taua e tasi: au e i loto i a latou, a koe foki e i loto i a au, ke tasi katoatoa latou; ke iloa foki ne te lalolagi, me ne uga mai ne koe au, kae alofa foki koe ki a latou, e pela mo tou alofa ki a au.