Versete biblice populare din Matthieu 7

Partajează

«Gwámáá gâ, bɨ̌n nkʉ̂ bi. Sáŋáá gâ, bɨ̌n nkʉ̂ bee. Kwáʼláá gá ebê, lé nkʉ̂ dibɔɔ bɨ́n.

Ebě, mʉr nyɨnyɛ̂h dí egwâm nyá, óbi. Mʉr dí esáa nyá, óbee. Ebê, lé ódibɔɔ lɨ́ esú é mʉ̂r dí ekwâʼle nyá.

«Nó ó, mʉr nyɨnyɛ̂h dí ejóʼǒ lwǐb mê lwǐb e bɨ̌n yɨ́, le esâ mpʉ mê lɛ́ɛ́ yɨ́ nyá, nyě nwɨɨlá ó e twóó mʉrʉ̂m á sumo mbɛ̌r, tyêl wé lɨ́ ekóʼ nyá.

«Mbi bɨ́n dí ekpɛl ó bʉr sâʼ bɨ̌n wɨ́, sáʼ gá bé ntémé nó. Nó ó dí cɛmá ɨ́ mekaná métié, le maá ógwíha o mílɔ̌b mé Nzyɛ̌m yɨ́.»

Tó kœb ó, nzɨ̌ dí etô nkǒ twiʼ nyɨ́, nye ɨ́ kɔbla. Ebé é tɨ̂, lé ɨ́ twâʼwo. Bʉr o dí ecɨɨ ɨ́ nzɨ̌ nyaá bá, bé abuo.»

«Níʼéé gá lɨ́ ebê dí ɨ́ twâʼwo lɨ́, ebě, nzɨ̌ dí ɨ́ bwaʼ le akɔbla nyɨ́, nyě tó ó, nko éswie. Nó bʉr o dí ecɨɨ tɨ̂ʼ bá, bé ɨ́ buo.

Bím bíbɨ́bla bi bʉ̂r bɨ́n dí nɨ̌, bɨ̌n pǎ nyɛɛ́ dwe bwán bɨ́n bisá bímpâ, á dwɛʼra e Sɔ́ŋ wɨ́n dí ɨ́ jʉ́o kʉ́ nyá! Nye ódwe bʉ̂r o dí egwâm nyé bá, laa náǎ.

«Adwe gá bʉr mebě ebě, bɨ̌n ntémé ámû jaá dweŋɔɔ mê. Mbi bɨ́n dí edwe bʉ̂r mebě wɨ́, mbi ngwár e ngwár waá ntémé ó Nzyɛ̌m ngá dwe bɨ́n mǎ wɨ́. Bím mébě gó ngá dwe bʉ̂r má, bím yaá ntémé ó bé ngá dwe gó yɨ́.

Mʉr nyɨnyɛ̂h mû sí jóʼǒ lwǐb yɨ̂, asâ mpʉ mê lɛ́ɛ́ yɨ́ nyá, nwɨɨla ó e gʉʼlʉgʉ́ yé á sumo mbɛ̌r kʉ́ epum lé ósɨ́ǎ yɨ́.

Gǒ jaá bɨbee ó, njɨ mpǔm dí mɨ́ɔɔ́ gǒ ɨ́ dîh yɨ́, kâr éjʉ̂ʼrǎ mbʉ́ŋʉʉ̌ ntinɨ̂ dí ɨ́ lô dîh wɨ́, ɨ́ yé? Gǒ e nkul elɛ́ɛ mɨ́ʉ̌ nyá ó: “Paá nze. Me pɛ́ʼɛɛ go mpǔm dí go ɨ́ dîh yɨ́,” tó kœb ó, gua, go mʉr tɨ̂, gó e mbʉ́ŋʉʉ tʉ́ŋlʉ̌ dîh?

«Bɨ̌n a báʼ ógwíha o mílɔ̌b o bíbɛr, ebě, bé nzɨ́nzé ɨ́ sɔ́má yɨ́n ó e njwɨr ɨ́ tala tala, nwɨɨla e binteme. Tó kœb ó, ɨ́ milémé myɔ́ɔ́ tʉ́ŋlʉ̌, bé ó mpʉ ónkœœ dí ekpɛl édɛn bínteme bá. Bɨ̌n bé ódweʼe bé ó ɨ́ bisyɛ́ɛla byɔ́ɔ́. Mʉr nyé abe lɨ́ emwâʼ mpúmó sɔɔ́ lɨ́ esyɛh, nkʉ̂ mpumó nwâʼ lɨ́ esɨ́ǎ.

Mpǎŋ lɨ́, yé gúmó ó mpumó mpâ. Bǒl lɨ́ gúmó ó, mpumó dí ɨ́ bébe nyɨ́.

Mpǎŋ lɨ́, yé ágúmó bébebébe mpumó. Bǒl lɨ́ agúmo mpúmó dí ɨ́ mbɨa nyɨ́.

Lɨ́ yɨ́yɛ̂h dí agúmo mímpǎŋ mi mpúmó yɨ́, yé lɨ́ ecwɛlɔɔ, guhɔɔ lɨ́ ebéʼé é siʼe.