Versete biblice populare din Ахия 19

Partajează

Исса, чагъырны уртлагъанлай: «Тамам болду!» – деди. Сора, башын энишге ийип, жанын берди.

Андан сора Исса, энди бары да болуп бошалгъанын билип, Китапда жазылгъан къабыл болур ючюн: «Суусапма», – деди.

Исса, анасын бла Кеси бек сюйюучю сохтасын былайда тургъанларын кёрюп, анасына: «Тиширыу! Ма, сени жашынг!» – деди. Андан сора сохтасына: «Ма, сени ананг!» – деди. Сора, ол кезиуден башлап, ол сохта Иссаны анасын кесини юйюне алды.

Алай а, Иссагъа келип, Аны ёлюп тургъанын кёргенлей, Аны балтырларын сындырмадыла. Аскерчиледен бирлери уа Иссаны къабыргъасына сюнгюню чанчып ётдюрдю, къабыргъасындан олсагъатдан къан бла суу тёгюлдю.

Бу алай болгъаны, Китапда: «Аны бир сюеги да сынмасын», – деп жазылгъаныча болур ючюн эди. Аны кибик Китап башха жерде да: «Ала Анга, чанчханларына къарарыкъдыла», – дейди.

Исса, Кесини къачын кётюрюп, Баш Сюек атлы жерге, чюйютча Голгота деген жерге чыкъды.

Аскерчиле, чыгъанадан таж эшип, Аны башына салдыла эмда Аны юсюне къызгъылдым кийим кийдирдиле.