Versete biblice populare din Ахия 15

Partajează

Мен Жюзюм Терекме, сиз а бутакъласыз; кеси Менде болуп тургъан, Мен да анда тургъан адам кёп битимли болады; нек десегиз Менсиз бир зат да эталлыкъ тюйюлсюз.

Менде болуп туругъуз, Мен да сизде турайым. Бутакъ, терекде турмаса, кесикесинден кёгет бералмагъаны кибик, Менде болуп турмасагъыз, сиз да битимли болмазсыз.

Менде болуп турсагъыз эм Мени сёзлерим да сизде болуп турсала, не сюйсегиз да тилегиз, сизге берилликди.

Мени сиз сайламагъансыз, Мен сайлагъанма сизни, сиз барыр ючюн эм битим келтирир ючюн эмда сизни битимигиз болуп турур ючюн салгъанма сизни; Атадан Мени атым бла не тилесегиз да, Ол сизге берир ючюн алай этгенме.

Кесини шуёхлары ючюн кесини жанын бергенден уллу сюймеклик жокъду.

Менде болуп кёгет бермеген хар бутакъны Ол кесип атады; кёгет берген хар бутакъны да дагъыда кёп кёгет берир ючюн тазалайды.

Мен сизни сюйгеним кибик, бир-биригизни сюйюгюз; Мени фарызым буду.

Сиз кёп битим келтирсегиз эм Мени сохталарым болсагъыз, аны бла Мени Атам махтаулу боллукъду.

«Мен керти Жюзюм Терекме, Мени Атам а Жюзюмчюдю.

Менде болуп турмагъан адам, бутакъ кибик, тышына атыллыкъды эмда къурурукъду; аллай бутакъланы уа, жыйып, отха атадыла, ала да кюедиле.

Муну Мен сизге Мени къууанчым сизде болуп турсун эм сизни къууанчыгъыз тамам болсун деп айтдым.

Мен Атамы фарызларын тутуп, Аны сюймеклигинде болуп тургъаным кибик, сиз да Мени фарызларымы тутсагъыз, Мени сюймеклигимде болуп турлукъсуз.

Муну сизге фарыз этеме: бир-биригизни сюйюгюз».

Сиз дуниядан болсагъыз эди, дуния кесиникин сюер эди; сиз а дуниядан тюйюлсюз, Мен сизни дуниядан сайлагъанма; дуния сизни аны ючюн кёрюп болмайды.