Versete biblice populare din Génesis 1

Partajează

Tmatl Dios: Qb'inchan kub' xjal ik tza'nx qe qilb'ilal, ik tza'nx qe qo ke'yin, ex e tten tkawb'il kyib'aj kyiẍ tuj mar, kyib'aj chyu'j ex txqantl jil in che lipan twitz kya'j, kyib'aj alumaj, tib'aj tkyaqil twitz tx'otx', ex kyib'aj txkup in xi kyjaqu'n kyk'u'j twitz tx'otx'. Kub'tzun tb'incha'n Dios xjal ik tza'nx te tilb'ilal, ik tza'nx tilb'ilal Dios kub' tb'incha'n; xinaq ex xu'j e kub' tb'incha'n.

E kub'tzun tky'iwla'n ex xi tma'n kye kyja': Che k'wa'line, chmet-x kyb'aje, kynojsame twitz tx'otx' ex che kawine tib'aj. Kb'el ten kykawb'ile kyib'aj kyiẍ tuj mar, kyib'aj chyu'j ex txqantl jil in che lipan twitz kya'j, ex kyib'aj kykyaqil txkup ate' twitz tx'otx'.

T-xe tnejel kub' tb'incha'n Dios kya'j ex tx'otx'.

Minti'toq ttxolil tx'otx', ex minti'toq at twitz; attoq qlolj tib'aj mar ma' t-xe', ex in yukchtoq T-xew Dios tib'aj a'.

Tmatzun Dios: E tb'ant spik'un. B'anttzun spik'un.

O til Dios tkyaqilju otoq b'ant tu'n, tb'anilxix tkyaqil. Extzun juntl q'ij tuk'ix juntl qonik'an; ex atzun tqaqin q'ij jlu.

O til Dios b'a'n e'la spik'un, ex el tpa'n spik'un ti'j qlolj.

Tmatltzun Dios kye kyja': Ma txi nq'o'ne kyeye tkyaqil awal in tq'o'n tiyjil, aju tkub' tuj tkyaqil twitz tx'otx', ex tkyaqil tze' in tq'o'n twitz ex at tiyjil tuj. Atzun kxe'l kynik'b'e'ne.

Q'ijl tb'i spik'un ok tq'o'n; atzun qlolj, qonik'an tb'i ok tq'o'n. Extzun jun q'ij tuk'ix jun qonik'an; ex atzun tnejel q'ij jlu.

Tmatl Dios: E tb'ant jun pab'l tib' t-xol a', tu'n tel tpa'n tib' txqan a' ti'j txqantl. Iktzun tten o b'ant.

Atzun kye kykyaqil txkup ate' twitz tx'otx', kyuk'ix qe chyu'j ex txqantl jil in che lipan twitz kya'j, kyuk'ix qeju in xi kyjaqu'n kyk'u'j twitz tx'otx', kykyaqil qeju itz' qe, cha'x k'ul k'okel te kywa, chi Dios. Iktzun tten o b'ant.

Tmatl Dios: E kyb'ant q'ol spik'un twitz kya'j, tu'n tel kypa'n q'ijl ti'j qonik'an, tu'n kyajb'en te kyechal tq'ijlalil, q'ijl ex ab'q'i

Tmatl Dios: E ttzaj poq'l k'ul twitz tx'otx' tuk'ix tkyaqil wiq awal in tq'o'n tiyjil, ex tze' in tq'o'n twitz ex at tiyjil tuj, teyle te junjun tiyjil. Iktzun tten o b'ant.

Tb'incha Dios pab'l tib' t-xol a'. Txqan a' kyaj tjaq' pab'l tib', ex txqantl a' kyaj tib'aj pab'l tib'.

Jaw poq'l k'ul twitz tx'otx', tuk'ix tkyaqil wiq awal in tq'o'n tiyjil, ex tze' in tq'o'n twitz ex at tiyjil tuj, teyle te junjun tiyjil. O til Dios b'a'n e'la jlu.

Tb'incha Dios kab'e nmaq q'ol spik'un, aju q'ol spik'un mas matij tu'n t-spik'b'ante q'ijl, atzun juntl ch'in q'ol spik'un tu'n t-spik'b'ante qonik'an. Ax ikx tb'incha qe che'w.

Tmatl Dios: E tkub' tchmon tib' tuj junx lugar tkyaqil a' at tjaq' twitz kya'j, ex e tkyaj q'ancha'l aju tzqij. Iktzun tten o b'ant. Tx'otx' tb'i aju tzqij ok tq'o'n; atzun a' otoq kub' tchmon tib', mar tb'i ok tq'o'n. O til Dios b'a'n e'la jlu.

E kub'tzun tky'iwla'n ex tma kyja': Che poq'lxe, chmet-x kyb'aje ex kynojsame mar; ex e tchmet kyb'aj chyu'j twitz tx'otx' ex txqantl jil in che lipan twitz kya'j, chi Dios.

Tmatl Dios: E kypoq'l alumaj twitz tx'otx', teyle te junjun tiyjil, ex txkup in xi kyjaqu'n kyk'u'j twitz tx'otx', ex txqantl txkup ate' twitz tx'otx', teyle te junjun tiyjil. Iktzun tten o b'ant.

Tmatl Dios: E kypoq'l nim kyajlal txkup tu'n kyyukch tuj a', ex e kypoq'l chyu'j ex txqantl jil tu'n kylipan twitz kya'j.

Tb'incha Dios qe txkup twitz tx'otx', teyle te junjun tiyjil, qe alumaj, teyle te junjun tiyjil, ex kykyaqil txkup in xi kyjaqu'n kyk'u'j twitz tx'otx', teyle te junjun tiyjil. O til Dios b'a'n e'la jlu.