Versete biblice populare din JUAN 19

Împărtășește

Jesús oɨ'u uva rɨkwer sai va'e aipo e'i:–Opakatu ite mba'e yavɨye.Ipare voi ñakäɨvɨso omano.

Ko ipare rumo, Jesús oikwa ite opakatu mba'e imombe'uprɨ yavɨyepase, iyavei yavɨye rane itera Ikwachiaprɨ pɨpendar, aipo e'i va'e:–Che usei.

Osepiase rumo Jesús osɨ, iyavei ñepëi gwemimbo'e osɨ ɨpɨve a'e sembiaɨsu katu va'e yepi, a'ese aipo e'i osɨ upe:–Itöi, evokoi erereko nde membrɨ. Ipare aipo e'i gwemimbo'e upe:–Evokoi erereko nde sɨ.Ichuive tuprɨ, semimbo'e vɨraso ichɨ gwëtäve.

Oyemboyase rumo Jesús rese, omano ite e'i sepiase yuvɨreko chupe. Sese nomopëi ete setɨ̇ma yuvɨreko. Ñepëi sundao pa'ü pendar oyɨke kutu ñepëi mba'e sakwävi va'e pɨpe, a'e ramoseve voi osë suvɨ ɨ reseve ichui.

Esepia ko mba'e oime va'e yavɨye rane itera Ikwachiaprɨ pɨpe aipo e'i va'e: “Nomopëi chietera ñepëi ikangwer yuvɨreko.” Iyavei ambuae pɨpe, Ikwachiaprɨ aipo e'i: “Osepiara ava eta ikutuprɨ yuvɨreko.”

Jesús vɨnose kurusu seraso, “Ava Akä kangwer” serer va'e save (a'e serer hebreo ñe'ë pɨpe Gólgota).

Ichui sundao eta omonde Jesús akä rese yu pɨaprɨ yuvɨreko, ipare omboyemonde turukwar piräumbɨ va'e pɨpe.