Versete biblice populare din Amas 6

Partajează

Omukama ne yeenenya olw'okukola omuntu mu nsi, n'anyolwa mu mutima

Omukama yalaba ng'obwonoonefu bw'omuntu bungi mu nsi, nga na buli kirowoozo kya mutima gwe kyewunzikidde ku kibi kyokka obudde bwonna

Naye Nowa yasanga ekisa mu maaso g'Omukama.

Kino kye kifaayo kya Nowa: Nowa yali musajja mutuukirivu nga taliiko musango mu bantu b'omulembe gwe; yatambuliranga mu Katonda.

n'agamba nti: “Nzija kuzikiriza omuntu gwe natonda, mmusaanyewo ku nsi, ye n'ebisolo, n'ebyewalula, ssaako ebinyonyi eby'omu bbanga; kubanga nnyoleddwa okulaba nga nabikola.”

Abantu bwe baamala okwala ku nsi, nga bazadde n'abawala, batabani ba Katonda ne balaba bawala b'abantu nga babalagavu, ne beefunira mu bo abakazi okuva mu bonna be baalondanga. Katonda n'agamba nti: “Omwoyo gwange tegulisigala mu muntu mirembe gyonna, kubanga mubiri bubiri; ennaku ze ziriba myaka kikumi mu abiri.” Mu biseera ebyo, era ne mu biseera ebyaddirira batabani ba Katonda okwewasiza bawala b'abantu ne babazaalira abaana, ku nsi kwaliko Banefili; be baabo abantu abazira abatutumufu ab'emirembe egy'edda.

Nowa n'akolera ddala byonna nga Katonda bwe yali abimulagidde.

Katonda n'agamba Nowa nti: “Nsazeewo, enkomerero ya buli muntu etuuse, kubanga ensi ejjudde obukambwe olw'abantu, nze nno ŋŋenda kubazikiriza wamu n'ensi.

Weekolere ekyombo mu muti ogw'envumbo; mu kyombo ojja kukolamu ebisenge obisiige envumbo munda ne kungulu.

Katonda yalaba ng'ensi eyonoonese, kubanga buli muntu ku nsi yali mwonoonefu mu neeyisa ye.

Ate ku buli kiramu kyonna okuva mu buli nsolo, oggyangako bibiri n'obiyingiza mu kyombo, biramire omwo naawe, ekisajja n'ekikazi.