དེ་ཡང་ས་སྟེང་དུ་མིའི་རིགས་ཇེ་མང་དུ་གྱུར་པ༌དང༌། ཁོ་རྣམས་ལ་བུ་མོ་སྐྱེ་བའི་དུས༌སུ། དཀོན་མཆོག་གི་བུ་རྣམས་ཀྱིས་མིའི་རིགས་ཀྱི་བུ་མོ་རྣམས་མཛེས་མ་ཡིན་པར་མཐོང༌སྟེ། རང་གི་འདོད་མོས་བཞིན་བདམས་ནས་ཆུང་མར་བླངས༌པས། དཀོན་མཆོག་ཡ་ཝཱེས་འདི་སྐད༌དུ། མི་ནི་ཤ་ཁྲག་གདོས་བཅས་ཀྱི་ཕུང་བོ་ཡིན༌ཏེ། བདག་གི་སེམས་ཉིད་ནི་དེ་དག་གི་ཁྲོད་དུ་ཇི་སྲིད་བར་དུ་མི་གནས༌ཀྱང༌། དེ་དག་ཚེ་ལོ་བརྒྱ་དང་ཉི་ཤུའི་རིང་ལ་འཚོ་ཐུབ་པར་བྱ་ཞེས་གསུངས༌སོ།།
དེའི་དུས་སུ་ས་སྟེང་དུ་ནེ་ཕེ་ལིམ་པ་རྣམས་ཀྱང་ཡོད་པ༌དང༌། རྗེས་སུ་དཀོན་མཆོག་གི་བུ་རྣམས་མིའི་བུ་མོ་རྣམས་ཀྱི་གྲས་སུ་ཚུད་ཅིང་དེ་དག་དང་འབྲེལ་ཏེ་བུ་སྐྱེས་པ༌ནི། གནའ་དུས་ཀྱི་མི་ཆེན་ཏེ་དཔའ་རྩལ་ཅན་དུ་གྲགས་པའི་མི་རྣམས་ཡིན༌ནོ།།