Versete biblice populare din Lukas Uram 8

Partajează

Ba, ton yala ara tukwe teleb ai sakmou eboka kiklibmonwe. Ara, Er Imtamnyi Uram kekeroramingiryi, sun kanyatam diboka kunuramingnyi nang ara busul kuboka Er Imtamnyi Uram tuba-tuba kekeroraming deyok aryi, du lak kibkwandur ati kiklibmonwe.” Ato eboka Yesus biryi Er miliramnyi nang dam lak kibdeiboka eterebmou.

Ba, ton yala ara dola kankan sakmou eboka kiklibmonwe. Ara, Er Imtamnyi Uram kekeroramingiryok asi, sun mining mambul tenen kanya boboka yina tam ati ingkiringna ab, bona ati ingkiringna ab, sun kanya teleb kimdeirin ati ingkiringna ab aryi, Er Imtamnyi Uram kekeroramingnyi dinyi ara sikliboka ouraming ba, du kum mourande ati kiklibmonwe.

Ba, ton yala ara keil kankan sakmou eboka kiklibmonwe. Ara, Er Imtamnyi Uram kanya kilkil asa dobdobmangiryok, diboka kanyatam wengbana kum uca, tiya ati dib tenebmangnyi ani, isa aryi dubdeci ura, ola tangloraming ati kiklibmonwe.

Ura, Er miliramnyi nang asi, “Se,” tenebmouci, ato ebmou. “Sunci Nisi dib tenenindarur dinyi ara dantam kubmasir do?” ebmou. Ba, sun kanya ilil kubmou ura, “Nai,” tenebmaici, sun mamun asi ebdanin yibinmai, “Se nai yabwe, nun ilil e. Anyi bira unanyi bitonyi kurur aryi, ‘Ibalya ab me ab asi takdum!’ eboka erekdande akiryok Er ebmar to kunuboka kum danande?” ebdanmai.

Ba, ton yala bisik iririkna dam sakmou eboka kiklibmonwe. Ara, Er Imtamnyi Uram kekeronmangnyi nang asi isa sienyi Iblis biryi, ‘Er Imtamnyi Uram kekeboka diba tenebdobingnyi ba, lemna dinyi dobdobingnyei,’ tenen, Er Imtamnyi Uram sun kanya dam aryi dorkarongnande ati kiklibmonwe.

Ukuryok ara, ‘Una kuboka Er Imtamnyi bira iya weik sienyi kururci, Er mabwe nermabwe leboka kalikwande,’ tenen dinyi nirya ara iniboka kuranci ababyi aminda ara lak kibkwande. Tonda ukuryok ara siklirdongordaramingnyi dinyi ababyi aminda ara lak kibdeibkwande ba, ninyi nirya bikwaming.

Ba, a ner aryi diramwe uca, er ukubmou dinyi, “Er Yesus biryi sirya bikmanir,” tenebmou ura, sirim asa yandoka Er Yesus urasin dam buryanmou. Ura, er ukubmou deyok ati, “Nira ato deyok aryi, Er Yesus bisi bol libdenman ba, ni yinurur u lobdobmanir,” eboka ninyi ilinto kekenmai asi nukmou. Ura, Er Yesus biryi a ner asi, “Se Ni kwin, kanbiramnyi aryi Nisi, ‘Diba, Er Imtamnyi biryi bokwetebunyi biryi kwetebkwamanir,’ teneboka kunurongna dinyi aryi lebmakin ati, kilkil kanya boboka teleb aryi ur bindobdum!” ebmou.

Asi, Er miliramnyi nang aryi Er Yesus mabmoua dam yandoka kamubdeibmai ura, ato ebmai, “Se Nai nun eteresurumnyi, nun a obkwamasir anun e. Kanci lebdobsurum!” ebmai. Ura, Er Yesus bukalaboka, ibalya doboka me kwatib-kwatib enmou asi erekdobmou. Ba, ibalya doboka me kwatib-kwatib enmou dinyi kum danmouci, takmou.