Versete biblice populare din CHABANGCHAM 1

Partajează

Sigasu Tingwang niu dinsude, “Tuhoira aliuniu chamainatu damsune; paliura aliu kumrabo-e khatdi aliu lun luirabo-e, Paliuniu chakha riga, thingna riga khatdi chaky-khaorui tadi nkan khaoring tadi kati kadi pakhiangna riga pumtan bamrabo-e”. Sichiujiu Tingwang niu chamainatu pakum gapjiu damkhaide. Paniu npiumai khatdi npuimaitu damkhaide.

Panaitu thoikhaijiu din-e, “Nanai kai-kik kengjiu lunglo, sichiujiu nanai kai-kikdung siniu kadihpiri thinjiu lungrabo-e. Iniu nanaitu wakhao hina riga, thingnadung riga khatdi khaoring-khaona hina riga pumtan bamra pikhaibo-e.

Paphibangga, Tingwang niu ting-kadih damsubo tingga

Kadih hai palun thiumakjiu khatdi wadi hajiu bamniu-e. Kasuakjiu bambo duinai khuan siniu wahinatu gomnam lujiu tamiuting bamniu-e, siga Tingwang pumtan siniu tadui rigase tadmariu bamniu-e.

Siga Tingwang niu chamtan pikhaide, “Kabenbo padmilo” sichiugap kabenbose padmide.

Tingwang paniu damkhaibo hinatu ngaolujiu palung kimchang kim mide, Nchun loijiu nsuan padlande--sise pacharukbo tingmik mide.

Sise Tingwang paniu ngaoluboga pachun wimide, Sichiujiu paniu tamiubo gasu kabenbo situ kamtam khai bide.

Iniu nanaileng alin-tara hina khatdi charasy hina tiura pikhaibo-e.

Sichiu paniu kabenbo situ “N-nien” khatdi tamiubo situ, “Nchun” kukhaide. Nchun loijiu nsuan padlanbo situ raithubo tingmik kumide.

Sibosai Tingwang niu chamtan pikhaide, “Tadui situ pabam nia thiujiu njan padmira tingpuk padmilo” siga sichiu padmide. Sichiujiu Tingwang niu tingpuk damkhai lujiu, sibo hangga khatdi sibo lungga taduitu njantam khai mide.

Chiudi khaoring khaona khatdi thingna hina lengra chapiubuan chaganniwse paliu tatek leng pikhaibo-e” siga sise padmide.

Sibosai Tingwang niu chamtan pikhaide, “Tingpuk ga kabenbo hai padmilo, sichiujiu nchun nai n-nien situ njantam padlujiu tingmikdung, tingkumdung maksai pating pawan silura pawan lenkhailo

Sibosai paniu chamtan pikhaide, “Kadihpiriga singbang, chapiubuan hina padmilo khatdi sise pabuan bonjiu pasy masi milo,” siga sise padmide.

Sibosai Tingwang niu chamtan pikhaide, “Tadui situ pabam nia thiujiu njan padmira tingpuk padmilo” siga sichiu padmide. Sichiujiu Tingwang niu tingpuk damkhai lujiu, sibo hangga khatdi sibo lungga taduitu njantam khai mide.

Sijengniu kadihpiri gahai singbang, chapiubuan hina padmide, sise Tingwang paniu ngaoboga palung kim mide.

Haichiujiu Tingwang niu di-nkiubo kabenbo nia damkhaijiu naimik siniu n-nientu khatdi chahiu siniu nchuntu mawangra damkhaide; paniu chagandung tudi damkhai bide.

Sibosai Tingwang niu chamtan pikhaide, “Tingpuk hangga bambo dui hai pabam khatga wang aruang milo, chiujiu rampumgen padmilo” siga sise padmide. Paniu rampumgen situ “Kadih” khatdi tadui wang aruangbo situ “Duipui” kukhaide. Khatdi Tingwang paniu ngaoboga palung kimde.

Paniu paliu mathiutu thoikhaide, sichiujiu tadui jiuga lungbo khaoringdung hinatu king-kajiu duipui gase lungphui mira thoikhai bide, paniu thingnadung hinatudi king-kajiu lungra thoikhai bide.

Sibosai Tingwang niu chamtan pikhaide, “Kadihpiriga khaoring-khaona jat hina, chaky-khaorui tadi, nkan khaoring tadi, katidi, kadidi pijiu padmilo” siga sise padmide.

Sibosai Tingwang niu chamtan pikhaide, “Taduiga pijiu karingbo khaoringdung siniu phuimilo, khatdi pijiu tingkai gase thingnadungniu phuimilo”.

Sichiujiu Tingwang niu wahinatu damkhai lujiu, sise paniu ngaoboga palung kimde.