Versete biblice populare din Markɛ̀n 1

Partajează

Ɔsɔ̀wrɔ̀ fùtàn, ɛyri kɛ vá wó kɩ Zhezü tɔhú dú anwɔn mɛ̀n srɔ ɛntrɛ. Nɛn cɔhɔ́ anmàn, nɛ̀n hɔ́n ɛyri tramɛ̀n; nanvrɛn lɔ nɛ̀n dú Ɔwɔ sɛ́n mɛ̀n.

Zhezü kɛ dɔ̀ le: “Ɛnvra léyi yɛ wá nɔn ncɔa, ɔmuhi Anhobɩ́-Nɛ̀ncüì-dúyri lɔ bá ɛtɛ̀sɛ̀n nɔn! Nyɛ́n crɔn ɛnkru ô nyɛ́n bú Ɔwɔ Mɛẅi ankà Ankrànkràn lɔ nyɛ́n tán ankàẅì!”

Ɛnvra léyi Zhezü dú ɛnshiemɛ̀n srɔ nɔn, nɛ̀n kán anhobɩ́ gbɛ́ ɔmùan kɩ, Ɛnhɛ́n Prɔnprɔn bɩ́ brɛndre dùwrú kakɛ nɛ̀n ɛwúɛ. Yɛ yá esùva tɔ̀n dú anhobɩ́ kɛ dɔ̀ le: “È dú m'ɛcüɛn ẅì; me bɩ́ mɛ́n pɔ̀püɛ̀ lɔ fɛn mɛ wá mɛ́n ɛmɛ̀n.”

Mɛ tɛ́n, ɛnshi de mɛ́n bɩ mɛ̀n wá nyɛ̀n ɛnkru nɔn, nɛ tɛ́n, Ɛnhɛ́n Prɔnprɔn mɛ̀n de nɛ lɛ wá nyɛ̀n ɛnshi ɛnkru nɔn.”

Zhezü kɛ dɔ́ yɔ le: “Nyɛ́n kɛ́n mɛ̀n ɛsɛ̀n ô mɛ̀n srɔ nyɛ̀n anwrɔnẅì-ẅɛnbɔ̀, kɛ̀ hán ɔmu le yɛ ẅɛn ɛcàn nɔn.” Ɛnvra zri lɔ, yɔ tecüe y'ɔkɔ̀jàn hɔ̀n lɔ kɩ yɔ kɛ́n nɛ̀n ɛsɛ̀n.

Zhezü ci-yé lɔ kɛ frɛ́n anwrɔn hɔ̀n léyi ke die nɛ̀n nukùɛ nɔn anvɛmɛ̀n; ɔmuhi n'eci-yé mɛ̀n lɔ, nɛ́n sɩ́ hán eci kɛ cá ɛnyànmàn wrú-merɛ́n-bɔ̀, tɛ́n ne yé eci ɛkɔrɛ̀levri mɛ̀n.