Versete biblice populare din Jon 1

Partajează

O lenge miyeꞌ tuweinge syeꞌ hriphrip me kin, topoꞌe tinge yambaꞌe kin pe, ŋoihmbwaip tinge teŋeime kin. Taꞌe luku pe, kin nangange lenge luh ŋaiye ka yurp tuꞌe talah tikin Got.

Ŋendeheiyeh kin ŋaiye Got yukur ŋende ŋaiꞌe ŋaiꞌe lalme pe, Wusyep si narp yer. Kin narp topoꞌe Got, topoꞌe kin ŋahilyeh taꞌe Got.

Pe yirise luku kin naŋarꞌe nato yepelmbe pe, yepelmbe yukur tatame ka oipe yirise luku ŋaiye naŋarꞌe.

Wusyep uku kin nat taꞌe miyeꞌ hiꞌ pe, kin narp topoꞌe poi. Ŋoih miꞌmiꞌ topoꞌe ŋoihmbwaip mise papararme kin. Poi si metekeꞌe yirise miꞌ kin. Yai naŋaꞌe wutuꞌ nalme Talah esep ilyeh uku ŋaiye kin nember nat.

Pe Got ŋaname Wusyep ŋaiye ka ende ŋaiꞌe ŋaiꞌe lalme pe, kin ŋende. Ŋaiꞌe ŋaiꞌe lalme ŋaiye nate sai pe, yukur kin nat yaŋah ŋoinde nate sai, pakai. Wusyep uku kin tehei ŋaiye laip, topoꞌe laip uku kin yirise ŋaiye naŋarꞌe nal lenge miyeꞌ tuweinge lalme.

Nyermbe pe, Jon ŋetekeꞌe Jisas natme kin pe, Jon ŋanange na, “Yetekeꞌe! Kin Worsip Talah tikin Got, ŋaiye nongohe ŋoihmbwaip pupwa lenge miyeꞌ tuweinge tikin kekep!

Wusyep si nate gah narp kekep. Got topoꞌe Wusyep ilyeh uku, tinge hindi yende kekep lalme, kom lenge miyeꞌ tuweinge gah kekep yukur yetekeꞌe yoworme kin. Kin nate ŋoto kekep ŋaiye moi jeheinge kitikin, kom lenge moi ilyeh kin yukur hriphrip ŋaiye ka yurp topoꞌe kin.

Yirise leꞌe pe, kin yirise bwore mise ŋaiye si nate gah kekep pe, kin naŋarꞌe gah lenge miyeꞌ tuweinge lalme.

Got naŋaꞌe wusyep erŋeme nalme syep Moses ŋaiye ka angange el lenge miyeꞌ tuweinge. Kom ŋaiye nato Jisas Krais pe, lenge miyeꞌ tuweinge lalme yambaꞌe ŋoih miꞌmiꞌ topoꞌe ŋoihmbwaip mise.