Versete biblice populare din San Juan 15

Partajează

’Neti nuní ankaa ya uvaha, lebi'i nna ankale ka náya. Benne gwa du lenie netiha, neti nna gwa dúgabaa lenie nna ixeba nu tse unie, kumu ganna lebi'i abíba du lenle neti, labí aka gele bixa uinle.

Lebi'i, gwaltse'e len neti nna anágaba neti gwadúgabaa len lebi'i. Ttiba ka ná ya uvaha, ganna abíba yietikana lati yagaha, labí aka ute ka nuha nu xixxi, anágaba lebi'i, ganna abíba se'ele len neti, labí aka gele uinle nu anka tse.

’Ganna lebi'i gwa se'ebale len neti lhe gwa ruinbale nu ra ka tisa kia‑ni, la'ania nna gwalinnababa bixaba raka lele nna gwadíbale nu rinnabaleha.

Laa lebi'iga bekwele neti; netila bekwea le nna chi beka'anaa le ki tsiale uinle nu anka tse nna nu tse uinleha nna uchíana isá. Aníha kini iyába nu innabale len Tataha tti udettile neti, benneha nna gutebe nu innabaleha.

Benne gwa reria lebie gattie kwenta ge ka benne se'e tse lenie, benneha nuha gwa rakarunie ge ka benneha.

Iyába ka ná ya uvaha ka nu abittu runna nu xixxi, richúbe kana, ttaka iyába ka náni ka nu gwa rutekana nu xixxi, richúbe lokani lhe ruxíbe nu bisi gekani kini ute chiettirukana nu xixxi.

Akani ge luesile attiba neti rakati gele. Nuní rodha'anaa uinle.

Tata kiaha nuha inná xxeni lebie ganna lebi'i uinle ixe nu anka tse. Aníha nuha nna gwasinle akale benne gwalíga rudhetinia.

’Neti nuní ankaa ya uva nu gwalíga anka tse. Tata kiaha nna anke benne rugwe lebie ya uvaha.

Nu abíba du lenna neti, nuha iru'unabana. Satebana attiba ka ná yagaha; ka nuha rirúbakana nna ribisibakana, nianna tti ritupakana nna riakana lo giha.

’Ria aní kini lebi'i edú itta lele len neti, aná nna itta suba edú lele.

Ganna udole tisa ge nu odha'anaa uinle, la'ania nna gwedí baabale elha si'i lasi kia, attiba neti gwa redí baaba elha si'i lasi ge Tata kiaha kumu gwa rudobaa tisa ge nu bodha'ane unia.

Akin ge luesile. Nuní rodha'anaa uinle.

Ganna lebi'i ankale ge ka nu abittu ria lekani neti, la'ania nna gwakalakinna gele attiba rakakinna ge ka benne gekani, ttaka lebi'i labí ankale gekani; neti chi bekwea le lagwi gekani, de nuha nna ritisikinna le.