Versete biblice populare din Johannes 19

Partajează

Då Jesus hadde fått eddikvinen, sa han: «Det er fullført!» Så bøygde han hovudet og anda ut.

Jesus visste no at alt var fullført. Og for at Skrifta skulle oppfyllast, sa han: «Eg er tyrst.»

Då Jesus fekk auga på mor si, og såg den læresveinen han hadde kjær stå attmed henne, sa han til mor si: «Kvinne, det er son din.» Så sa han til læresveinen: «Det er mor di.» Frå den stunda tok læresveinen henne heim til seg.

Då dei kom til Jesus, såg dei at han alt var død, og dei braut ikkje hans bein. Men ein av soldatane stakk han i sida med eit spyd, og straks rann det ut blod og vatn.

Dette hende for at skriftordet skulle oppfyllast: Ikkje eit bein skal brytast på han. Og eit anna skriftord seier: Dei skal sjå på han som dei har gjennomstunge.

Så tok dei Jesus med seg. Han bar sjølv krossen sin og gjekk ut til den staden dei kallar Hovudskallen, på hebraisk Golgata.

Soldatane fletta ei klungerkrone og sette på hovudet hans og hadde på han ei purpurkåpe.