Versete biblice populare din LUKE 22

Partajează

ShiTaa', íinínízingo díí doodlį́įłii shits'ą́ąjį' kónílééh, ákondi shí íinisinígíí éí dooda, nidi ni íinínízinígíí ádoonííł.

Nidi ná sodeeszin, áko ne'oodlą' bee aa dzódlí doo bígééd dííleeł da, áko adíísihígíí bits'ą́ąjį' dah nídinidzáago, nik'isóó dabidziilgo áńdadíídlííł.

Áádóó bááh néidii'ą́, áádóó sodoolzingo yaa ahééh niizį́į'go niyiizti'go hatainiihgo ání, Díí shits'íís [nihá ninádiní'ánígíí át'é. Nídaahdį́įhgo bee shéédaałniih dooleeł.

T'áá ákót'éego da'jííyą́ą́'dóó bik'ijį' doodlį́įłii ałdó' néidiiką́ągo ádííniid, Díí doodlį́įłii shidił bee aha'deet'áanii ániidíii át'é, éí nihá deezna'ígíí át'é.]

Áko t'áá íiyisí ti'hojooníihgo t'ah nááyówehígo haleebee sozdoolzin, áko hatásiil diłgi át'éego ni'jį' nidahidilch'ą́ą́ł.

Nidi nihí doo ákódanoht'ée da; nihitahgóó aláahgo ayóó át'éhígíí bíni'dii éí akéédę́ę́' naagháhígíí nahalin dooleeł, áádóó naat'áanii nilíinii bíni'dii naal'a'í nahalin dooleeł.

Áko ábizhdííniid, Peter, ándishní, díí tł'éé' naa'ahóóhai biką'í t'áadoo ániihí táadi doo hwééhasin da shididííniił.