Halia - 2020 WBT (NT) Non Drama

<div class="version vid955 iso6393hla" data-vid="955" data-iso6393="hla">
 <div class="book bkLUK">
 <div class="chapter ch19" data-usfm="LUK.19">
 <div class="label">19</div><div class="s">E Iesu na e Sakias</div><div class="p"> 1E Iesu e la silaia iahana taun i Jeriko me la sok&#246; uana i hapala. 2Na t&#246;a katuun a solonen e Sakias a tson mammam turu katunun lulu takis, nonei e ka has mei a moni a parpara. 3Nonei e ngilin tari e Iesu, kaba nonei e makmakum koru mema antunan tara na neien taraha, a katuun a parpara koru. 4Ba nonei e piata mam rena u katuun mena seina turu ruein fik u pannen tego tara menaien e Iesu. Nonei e atei sil e Iesu ega sila ma tara makum teka. 5P&#246;ata te butuia e Iesu tara makum te kaien ba nonei e tara seina me poeiena tere Sakias, &#8220;O Sakias, koul boroboroma. Alia ena ka goua i luma i tam&#246;l&#246; i romana.&#8221; 6Be Sakias e koul boroborona me peigi mena nei e Iesu i luma i tanen me sasaala koruna. 7Ba u katuun ti tari a ka teka e tanian ranga haraharaha hobotor, &#8220;A katuun teka ena kana tara luma tara katuun a omi!&#8221; 8Be Sakias e tuoluna me poeiena tere Iesu, &#8220;O Tsunono! Alia e hala kata hamanasa nagou a manka i tar turu katuun ti m&#246;a ta ka! Na tu hagamo naia lia ta ka tara tana katuun, alia e palis poutse goen a tohats a p&#246;ata!&#8221; 9Be Iesu e poeiena i tanen, &#8220;I romana e Sunahan e lu pouts hakapa ralala u katuun tara luma teka. Taraha? Al&#246; e mar hamana uaiem temar hamana uu e Abraham. 10Na lia tu butun Katunuma u la silema tegomi sake merai u katuun ti taia bate lu pouts ragen.&#8221;</div><div class="s">U haharuei tara maloto a tson pepeito kap</div><div class="r">(Matiu 25:14-30)</div><div class="p"> 11P&#246;ata ti hahengo nouaia u katuun tere Iesu, be Iesu e ranga nena u haharuei teka. Taraha, Nonei e susuku hakapaia i Jerusalem, na nori i hakatsin a Nipepeito tere Sunahan e katsin butu hamanasa. 12Ba nonei e poeiena, &#8220;A t&#246;a katuun pan e katsin la uu tara han i lehana tegina haking menaien me la pouts uanama i han. 13Kaba i mam te laien, ba nonei e ng&#246; g&#246;gono rena a maloto a katunun kui i tanen me hala raneien a maloto a maina moni.#19:13 A t&#246;a maina moni e antunaia tara hihol tara topisa tsihou. Ba nonei e ranga mera nen, &#8216;Alimiou e kui memou a moni teka e popona tena la pouts guma romana lia.&#8217; 14Kaba palair u katuun tara han i tanen i tori homi koru naien, ba nori e hakukutie lila u katunun s&#246;s&#246;ata ranga egina rangaia tara han te kaien, &#8216;Alam e rama nem a katuun teka ega king raiou lam.&#8217; Kaba nonei ena butun king noa has.</div><div class="p"> 15&#8220;Ba katuun pan teka tina hakingi e kopis pouts nama. P&#246;ata te tuku poutsien i han ba nonei e hang&#246; g&#246;gono rena u katunun kui i tanen te hala raien a moni egi butu hoboto uama i matanen ba nonei te sakiena a lahisa moni ti lueien. 16Ba katunun kui tutuun e la nama me poeiena, &#8216;O tsunono, al&#246; u halei lia a t&#246;a maina moni, na lia u lu leli a tana maloto a maina moni tara moni tu halei l&#246; alia!&#8217; 17Ba katuun pan e poeiena i tanen, &#8216;Al&#246; u kato haniga. Al&#246; a katunun kui a niga! Al&#246; u tara kap haniga korur a manka man tetenei. Ba lia te hale goi l&#246; a nitsunono ba l&#246; te tara kap nem a maloto a taun!&#8217; 18Ba hahuoluna katunun kui e la nama me poeiena, &#8216;O Tsunono, alia u lu leli a tana tolima maina moni tara moni tu hala nil&#246;.&#8217; 19Ba katuun pan e poeiena i tanen, &#8216;Al&#246; e tsunono nem romana a tolima taun.&#8217; 20Ba tana katunun kui e la nama me poeiena, &#8216;O Tsunono, a maina moni i tam&#246;l&#246; teka. Alia u hamouseien tara makumun labalaba. 21Alia u matouteiou l&#246;. Taraha? Al&#246; e roron hakui hatagala koru rem u katunun kui i tam&#246;l&#246;. Na l&#246; e roron luem a hihol tara toukui tara palair u katuun.&#8217; 22Ba katuun pan e poeiena i tanen, &#8216;Al&#246; a katunun kui a omi! Alia e kout megoi l&#246; a man ranga pouts i tam&#246;l&#246;! Al&#246; e atei silem alia e roron hakui hatagala koru regu u katuun, na lia e roron lu hasegu a hihol tara toukui tara tana katuun. 23Gaha tu ma haka naial&#246; ta moni i tar tara luman moni, ba lia te tatei lu pouts gono megien ta tana ta moni tara p&#246;ata tego kopis pouts malia?&#8217; 24Ba katuun pan e poeiena tara pala ti tuol hasukusuku, &#8216;Luba nami a katuun teka a maina moni bate halemi a katunun kui te ka mena a maloto a maina moni.&#8217; 25Ba nori e poeier i tanen, &#8216;O Tsunono, nonei e ka has mena a maloto a maina moni!&#8217; 26Ba nonei e ranga palisina, &#8216;Alia e ranga mera goulimiou, a katuun te ka mena a huhua tara toukui i tanen e hala hase roui a maroro tega kui menaien ta huhua lel. Kaba katuun te m&#246;a ta huhua tara toukui i tanen e luba noa has naroui a matsi ka pinopino te ka menen. 27Na nori u pak&#246; i tar te rama ner tego king meraien lia, lu mera mumei teka bate atung hamate ramen i matar!&#8217;&#8221;</div><div class="s">E Iesu e tuku here ii a king i Jerusalem</div><div class="r">(Matiu 21:1-11, Mak 11:1-11, Jon 12:12-19)</div><div class="p"> 28E Iesu e mar ranga uu teka me mam rena u katuun i tanen me la sei uana i Jerusalem. 29Nonei e la hasukusukuia tara man han i Betpats na i Betani ti kaia i rehina u Pokus tara Ruein Olip, ba nonei e hamam rena a huol a katunun tsitsilo. 30Me poeiena i taren, &#8220;Alimiou go la uamula tara han te ka nama ili, ba p&#246;ata tena tuku moa limiou ba limiou tena sabie mou a t&#246;a rongki a hitots ti kits kapiin na ti mamala osa noaia. Ba limiou te purese mumen batemi piou namen teka. 31Te rangata noua ta katuun, &#8216;Aha te purese sile mien limiou,&#8217; ba limiou te hatei men, &#8216;A Tsunono e ngile namen.&#8217;&#8221;</div><div class="p"> 32Ba huol a katuun e lar mena sabier a mamanaka e marka has uu temar ranga uala e Iesu. 33Tara p&#246;ata ti pureseien a rongki ba u katuun terera rongki e poeier i taren, &#8220;Aha te purese sile milimiou a rongki?&#8221; 34Ba nori e ranga palisir me poeier, &#8220;A Tsunono e ngile namen.&#8221; 35Ba nori e mi piou naria a rongki tere Iesu me haholase ria a man hasob&#246; pan i taren tara rongki me hose ria e Iesu i tanen. 36P&#246;ata te osaia e Iesu tara rongki ba rongki e tataala menen, ba u katuun e haholaseier a man hasob&#246; pan i taren tara kalana. 37Ba p&#246;ata te tukuien tara maroro te la puta uu turu Pokus tara Ruein Olip te kaia i rehina i Jerusalem, ba u katuun u parpara koru i tanen e tanian k&#246;ma hapan uaier tere Sunahan me solosei merien a man mirakol ti tareien. 38Ba nori e poeier:</div><div class="q1">&#8220;Kalaleiam a king te la menama a solo tara Tsunono!</div><div class="q1">A masalohana ega kaia i Kol&#246;, na solona e Sunahan ega pan koru!&#8221;</div><div class="p"> 39Ba palair u Parasi i gusur u katuun e poeier tere Iesu, &#8220;Tson Hihatuts, al&#246; go hakakamoter u katunun tsitsilo i tam&#246;l&#246;.&#8221; 40Ba e Iesu e ranga palisina, &#8220;Alia e hatei ragou limiou, te kakamoto roua u katuun teka ba u marats te ku riou!&#8221;</div><div class="s">E Iesu e tabe sil i Jerusalem</div><div class="p"> 41E Iesu e la hasukusuku uu i Jerusalem, ba p&#246;ata te tareien a taun ba nonei e tabe sile nen. 42Ba nonei e poeiena tara taun teka, &#8220;Sanena limiou tu atei sileiam a ka te habutena a masalohana, i romana noa has, e Sunahan sane hala raneilimiou a masalohana. Kaba a ka teka e mous ba tala ranou limiou ba limiou tema antunan tare mien. 43A p&#246;ata e la nama, ba u katuun te pak&#246; rariou limiou temi ololo hahis rariou limiou ba nori temi hatukap rariou limiou romana tara mamana makum. 44Ba nori te kato rure riou romana a han i tamilimiou bate kato hohomi has rariou limiou na galapien has i tamilimiou te ka roua iahana taun. Na e m&#246;a nou ta marats tara ololo tego kaia romana i ieluna tai. Taraha? Alimiou uma tara marei mi a p&#246;ata te la silema e Sunahan egomi taguhu raiou limiou!&#8221;</div><div class="s">E Iesu e tsugar u katuun ti hahol ia tara Luman Lotu Pan</div><div class="r">(Matiu 21:12-17, Mak 11:15-19, Jon 2:13-22)</div><div class="p"> 45-46Be Iesu e tasuna tara Luman Lotu Pan me tanian tsuga rena u katunun hahol, me poeiena i taren, &#8220;U raranga tere Sunahan i koloto naia turu Buku u G&#246;agono e poeiena, &#8216;A luma i tar, a luman singo.&#8217; Kaba limiou e kato here tsipon namien a kioun mous turu kopkop!&#8221; 47E Iesu e hihatuts ia tara Luman Lotu Pan turu mamanu lan. Ba u pris pan na u tson hihatuts tara Lo na pal kapan turu Jiu e ngilin atung hamate naren. 48Kaba nori ima sabe ii ta maroro tegi markato menaien. Taraha? U katuun hoboto i hengo nit&#246;aia tara man raranga i tanen.</div>
 </div>
 </div>
</div>

E Iesu e la silaia iahana taun i Jeriko me la sokö uana i hapala. Na töa katuun a solonen e Sakias a tson mammam turu katunun lulu takis, nonei e ka has mei a moni a parpara. Nonei e ngilin tari e Iesu, kaba nonei e makmakum koru mema antunan tara na neien taraha, a katuun a parpara koru. Ba nonei e piata mam rena u katuun mena seina turu ruein fik u pannen tego tara menaien e Iesu. Nonei e atei sil e Iesu ega sila ma tara makum teka. Pöata te butuia e Iesu tara makum te kaien ba nonei e tara seina me poeiena tere Sakias, “O Sakias, koul boroboroma. Alia ena ka goua i luma i tamölö i romana.” Be Sakias e koul boroborona me peigi mena nei e Iesu i luma i tanen me sasaala koruna. Ba u katuun ti tari a ka teka e tanian ranga haraharaha hobotor, “A katuun teka ena kana tara luma tara katuun a omi!” Be Sakias e tuoluna me poeiena tere Iesu, “O Tsunono! Alia e hala kata hamanasa nagou a manka i tar turu katuun ti möa ta ka! Na tu hagamo naia lia ta ka tara tana katuun, alia e palis poutse goen a tohats a pöata!” Be Iesu e poeiena i tanen, “I romana e Sunahan e lu pouts hakapa ralala u katuun tara luma teka. Taraha? Alö e mar hamana uaiem temar hamana uu e Abraham. Na lia tu butun Katunuma u la silema tegomi sake merai u katuun ti taia bate lu pouts ragen.”


Pöata ti hahengo nouaia u katuun tere Iesu, be Iesu e ranga nena u haharuei teka. Taraha, Nonei e susuku hakapaia i Jerusalem, na nori i hakatsin a Nipepeito tere Sunahan e katsin butu hamanasa. Ba nonei e poeiena, “A töa katuun pan e katsin la uu tara han i lehana tegina haking menaien me la pouts uanama i han. Kaba i mam te laien, ba nonei e ngö gögono rena a maloto a katunun kui i tanen me hala raneien a maloto a maina moni. Ba nonei e ranga mera nen, ‘Alimiou e kui memou a moni teka e popona tena la pouts guma romana lia.’ Kaba palair u katuun tara han i tanen i tori homi koru naien, ba nori e hakukutie lila u katunun sösöata ranga egina rangaia tara han te kaien, ‘Alam e rama nem a katuun teka ega king raiou lam.’ Kaba nonei ena butun king noa has.
“Ba katuun pan teka tina hakingi e kopis pouts nama. Pöata te tuku poutsien i han ba nonei e hangö gögono rena u katunun kui i tanen te hala raien a moni egi butu hoboto uama i matanen ba nonei te sakiena a lahisa moni ti lueien. Ba katunun kui tutuun e la nama me poeiena, ‘O tsunono, alö u halei lia a töa maina moni, na lia u lu leli a tana maloto a maina moni tara moni tu halei lö alia!’ Ba katuun pan e poeiena i tanen, ‘Alö u kato haniga. Alö a katunun kui a niga! Alö u tara kap haniga korur a manka man tetenei. Ba lia te hale goi lö a nitsunono ba lö te tara kap nem a maloto a taun!’ Ba hahuoluna katunun kui e la nama me poeiena, ‘O Tsunono, alia u lu leli a tana tolima maina moni tara moni tu hala nilö.’ Ba katuun pan e poeiena i tanen, ‘Alö e tsunono nem romana a tolima taun.’ Ba tana katunun kui e la nama me poeiena, ‘O Tsunono, a maina moni i tamölö teka. Alia u hamouseien tara makumun labalaba. Alia u matouteiou lö. Taraha? Alö e roron hakui hatagala koru rem u katunun kui i tamölö. Na lö e roron luem a hihol tara toukui tara palair u katuun.’ Ba katuun pan e poeiena i tanen, ‘Alö a katunun kui a omi! Alia e kout megoi lö a man ranga pouts i tamölö! Alö e atei silem alia e roron hakui hatagala koru regu u katuun, na lia e roron lu hasegu a hihol tara toukui tara tana katuun. Gaha tu ma haka naialö ta moni i tar tara luman moni, ba lia te tatei lu pouts gono megien ta tana ta moni tara pöata tego kopis pouts malia?’ Ba katuun pan e poeiena tara pala ti tuol hasukusuku, ‘Luba nami a katuun teka a maina moni bate halemi a katunun kui te ka mena a maloto a maina moni.’ Ba nori e poeier i tanen, ‘O Tsunono, nonei e ka has mena a maloto a maina moni!’ Ba nonei e ranga palisina, ‘Alia e ranga mera goulimiou, a katuun te ka mena a huhua tara toukui i tanen e hala hase roui a maroro tega kui menaien ta huhua lel. Kaba katuun te möa ta huhua tara toukui i tanen e luba noa has naroui a matsi ka pinopino te ka menen. Na nori u pakö i tar te rama ner tego king meraien lia, lu mera mumei teka bate atung hamate ramen i matar!’”


E Iesu e mar ranga uu teka me mam rena u katuun i tanen me la sei uana i Jerusalem. Nonei e la hasukusukuia tara man han i Betpats na i Betani ti kaia i rehina u Pokus tara Ruein Olip, ba nonei e hamam rena a huol a katunun tsitsilo. Me poeiena i taren, “Alimiou go la uamula tara han te ka nama ili, ba pöata tena tuku moa limiou ba limiou tena sabie mou a töa rongki a hitots ti kits kapiin na ti mamala osa noaia. Ba limiou te purese mumen batemi piou namen teka. Te rangata noua ta katuun, ‘Aha te purese sile mien limiou,’ ba limiou te hatei men, ‘A Tsunono e ngile namen.’”
Ba huol a katuun e lar mena sabier a mamanaka e marka has uu temar ranga uala e Iesu. Tara pöata ti pureseien a rongki ba u katuun terera rongki e poeier i taren, “Aha te purese sile milimiou a rongki?” Ba nori e ranga palisir me poeier, “A Tsunono e ngile namen.” Ba nori e mi piou naria a rongki tere Iesu me haholase ria a man hasobö pan i taren tara rongki me hose ria e Iesu i tanen. Pöata te osaia e Iesu tara rongki ba rongki e tataala menen, ba u katuun e haholaseier a man hasobö pan i taren tara kalana. Ba pöata te tukuien tara maroro te la puta uu turu Pokus tara Ruein Olip te kaia i rehina i Jerusalem, ba u katuun u parpara koru i tanen e tanian köma hapan uaier tere Sunahan me solosei merien a man mirakol ti tareien. Ba nori e poeier:
“Kalaleiam a king te la menama a solo tara Tsunono!
A masalohana ega kaia i Kolö, na solona e Sunahan ega pan koru!”
Ba palair u Parasi i gusur u katuun e poeier tere Iesu, “Tson Hihatuts, alö go hakakamoter u katunun tsitsilo i tamölö.” Ba e Iesu e ranga palisina, “Alia e hatei ragou limiou, te kakamoto roua u katuun teka ba u marats te ku riou!”

E Iesu e la hasukusuku uu i Jerusalem, ba pöata te tareien a taun ba nonei e tabe sile nen. Ba nonei e poeiena tara taun teka, “Sanena limiou tu atei sileiam a ka te habutena a masalohana, i romana noa has, e Sunahan sane hala raneilimiou a masalohana. Kaba a ka teka e mous ba tala ranou limiou ba limiou tema antunan tare mien. A pöata e la nama, ba u katuun te pakö rariou limiou temi ololo hahis rariou limiou ba nori temi hatukap rariou limiou romana tara mamana makum. Ba nori te kato rure riou romana a han i tamilimiou bate kato hohomi has rariou limiou na galapien has i tamilimiou te ka roua iahana taun. Na e möa nou ta marats tara ololo tego kaia romana i ieluna tai. Taraha? Alimiou uma tara marei mi a pöata te la silema e Sunahan egomi taguhu raiou limiou!”


Be Iesu e tasuna tara Luman Lotu Pan me tanian tsuga rena u katunun hahol, me poeiena i taren, “U raranga tere Sunahan i koloto naia turu Buku u Göagono e poeiena, ‘A luma i tar, a luman singo.’ Kaba limiou e kato here tsipon namien a kioun mous turu kopkop!” E Iesu e hihatuts ia tara Luman Lotu Pan turu mamanu lan. Ba u pris pan na u tson hihatuts tara Lo na pal kapan turu Jiu e ngilin atung hamate naren. Kaba nori ima sabe ii ta maroro tegi markato menaien. Taraha? U katuun hoboto i hengo nitöaia tara man raranga i tanen.

Ascultă Luk 19