If you have would like a copy of this version please contact info@davaraudiobibles.org

The Gofa Bible, CC-BY-SA-4.0, The Word for the World International and The Word for the World Ethiopia. (Text). Gofa Audio Bible, CC-BY-SA-4.0, Davar Partners International, 2018. (Audio).

ጌሻ ማፃፋ

<div class="version vid4045 iso6393gof" data-vid="4045" data-iso6393="gof">
 <div class="book bkGEN">
 <div class="chapter ch13" data-usfm="GEN.13">
 <div class="label">13</div><div class="s1">Abramenne Looxe Shaaketetha</div><div class="p"> 1Abramey ba machiw Sooranne baw de7iyaba ubba ekidi Gibxefe Negebe mela biitta bis. Looxeyka iyara wolla bis. 2Abramey he wode mehen, biraninne worqan daro duretis.</div><div class="p"> 3Abramey Nagebepe dendidi bessafe besse aadhishe Beetele gakanaw bis. Beetelepenne Gayepe giddon I koyro dunkaaniya tokida bessaanne 4Godaas kase yarsho yarshida bessa gakidi, yan Abramey Godaa sunthaa xeegis.</div><div class="p"> 5Abramera wolla hemetiya Looxesika daro dorsati, deeshati, meheti, soo asatinne aylleti de7oosona. 6He wode Abramesinne Looxes daro mehey de7iya gisho enti banta meheta heemmiya bessay xuummis. 7Hessa gisho, Abrame meheta heemmeyisata giddoninne Looxe meheta heemmeyisata giddon kachi keyis. He wode Kanaane asatinne Parze asati he biittan de7oosona.</div><div class="p"> 8Hessa gisho, Abramey Looxeko, &#8220;Nuuni ishanta gidiya gisho nu giddon woyko nu meheta heemmeyisata giddon kachi daanaw bessena. 9Biittay dalga gidiya gisho nu wolipe shaaketana. Ne haddirsa bagga biiko taani ushacha bagga baana; neeni ushacha bagga biiko taani haddirsa bagga baana&#8221; yaagis. 10Looxey biitta yuuyi aadhidi xeelliya wode Yordaanose zangaaray, Godaa gannatiyada woyko Zo7aare baggara de7iya Gibxe biitta mela haathi kumidaysa be7is. Hessika, haniday Goday Soodomenne Gamoora geetetiya katamata dhaysanape sinthe. 11Hessa gisho, Looxey Yordaanose zangaara ubba baw dooridi doloha bagga bis. Hessada hanidi issoy issuwafe shaaketidosona. 12Abramey Kanaane biittan de7is. Shin Looxey Zangaaran de7iya katamata giddon Soodome matan ba dunkaaniya tokis. 13He wode Soodome asay daro iitanne Godaa sinthan nagaranchota. 14Looxey Abramepe shaaketidaape guye, Goday Abrameko, &#8220;Ne de7iya bessaafe pude dhoqu gada pudeha bagganne dugeha bagga, doloha bagganne wuloha bagga yedda xeella. 15He neeni be7iya biitta ubba taani merinaw newunne ne sheeshas immana. 16Taani ne sheesha biitta baanada darsana. Oonika biitta baana taybanaw danda7onaysada ne sheeshayka taybetenna. 17Taani ha biitta new immana gisho dendada biitta adussatethaninne dalgatethan simereta.&#8221; 18Hessa gisho, Abramey ba dunkaaniya shoddidi Kebroonan de7iya Mamire gita mithata matan de7anaw bis. Yan Godaas yarsho bessi giigisis.</div>
 </div>
 </div>
</div>

The Word for the World International and The Word for the World Ethiopia

Abramey ba machiw Sooranne baw de7iyaba ubba ekidi Gibxefe Negebe mela biitta bis. Looxeyka iyara wolla bis. Abramey he wode mehen, biraninne worqan daro duretis.
Abramey Nagebepe dendidi bessafe besse aadhishe Beetele gakanaw bis. Beetelepenne Gayepe giddon I koyro dunkaaniya tokida bessaanne Godaas kase yarsho yarshida bessa gakidi, yan Abramey Godaa sunthaa xeegis.
Abramera wolla hemetiya Looxesika daro dorsati, deeshati, meheti, soo asatinne aylleti de7oosona. He wode Abramesinne Looxes daro mehey de7iya gisho enti banta meheta heemmiya bessay xuummis. Hessa gisho, Abrame meheta heemmeyisata giddoninne Looxe meheta heemmeyisata giddon kachi keyis. He wode Kanaane asatinne Parze asati he biittan de7oosona.
Hessa gisho, Abramey Looxeko, “Nuuni ishanta gidiya gisho nu giddon woyko nu meheta heemmeyisata giddon kachi daanaw bessena. Biittay dalga gidiya gisho nu wolipe shaaketana. Ne haddirsa bagga biiko taani ushacha bagga baana; neeni ushacha bagga biiko taani haddirsa bagga baana” yaagis. Looxey biitta yuuyi aadhidi xeelliya wode Yordaanose zangaaray, Godaa gannatiyada woyko Zo7aare baggara de7iya Gibxe biitta mela haathi kumidaysa be7is. Hessika, haniday Goday Soodomenne Gamoora geetetiya katamata dhaysanape sinthe. Hessa gisho, Looxey Yordaanose zangaara ubba baw dooridi doloha bagga bis. Hessada hanidi issoy issuwafe shaaketidosona. Abramey Kanaane biittan de7is. Shin Looxey Zangaaran de7iya katamata giddon Soodome matan ba dunkaaniya tokis. He wode Soodome asay daro iitanne Godaa sinthan nagaranchota. Looxey Abramepe shaaketidaape guye, Goday Abrameko, “Ne de7iya bessaafe pude dhoqu gada pudeha bagganne dugeha bagga, doloha bagganne wuloha bagga yedda xeella. He neeni be7iya biitta ubba taani merinaw newunne ne sheeshas immana. Taani ne sheesha biitta baanada darsana. Oonika biitta baana taybanaw danda7onaysada ne sheeshayka taybetenna. Taani ha biitta new immana gisho dendada biitta adussatethaninne dalgatethan simereta.” Hessa gisho, Abramey ba dunkaaniya shoddidi Kebroonan de7iya Mamire gita mithata matan de7anaw bis. Yan Godaas yarsho bessi giigisis.

Ascultă Medhetethi 13