If you have would like a copy of this version please contact info@davarpartners.org

Ekegusii Revised Bible

<div class="version vid2940 iso6393guz" data-vid="2940" data-iso6393="guz">
 <div class="book bkGEN">
 <div class="chapter ch43" data-usfm="GEN.43">
 <div class="label">43</div><div class="s1">Orogendo rwa kabere rw&#8217;abamwabo Yusufu gochia Misiri</div><div class="p"> 1Enchara ekaba enene ase ense. 2Na ekero bakoorire endagera eria bagorete korwa Misiri, ise akabateebia: &#8220;Irana naende motogorere endagera nke toche koria.&#8221;</div><div class="p"> 3Korende Yuda akabateebia: Omonto oria nigo atochigete bokong&#8217;u, agatoteebia: Timogocha kondora obosio bwane oyio omino atacheti amo nainwe. 4Koratoe oyominto agende amo naintwe, rirorio inatotirimboke tokogorere endagera. 5Korende onye togotomoa togende komo, rirorio titokogenda, ekiagera omonto oria nigo atoteebetie, &#8220;Timokondora obosio bwane motacheti noyio omino.&#8221;</div><div class="p"> 6Israeli akababooria: &#8220;Ninki mwankorera igo na gonchanda, goika mogateebia omonto oria ng&#8217;a mokare noyomino onde inka?&#8221;</div><div class="p"> 7Barabwo bakamoiraneria: &#8220;Omonto oria nigo atounetie mono amanye amang&#8217;ana aito na ay&#8217;eamate yaito, agatoboria: Iso moyo are? Mokare nonde omino? Na intwe tokamoiraneria buna atoboretie. Inee! Ntwamanyete aya agochia gokwana ng&#8217;a: Gachie morente oyomino?&#8221;</div><div class="p"> 8Yuda agateebia Israeli ise: &#8220;Mong&#8217;e omosae oyo agende amo nainche, erio toimoke togende aroro, erinde egere tobe moyo, titokwa, intwe, naye, amo nabana baito abake. 9Nerure imbe intenenera asare: korwa ase okoboko kwane oche komonsaba. Onye tinkomoirania gocha asore, rirorio ontige mbogorie okomocha okwo amatuko onsi ase obosio bwao. 10Onye totatebanire nanga twairanire chintunda ibere.&#8221;</div><div class="p"> 11Israeli ise akabateebia: &#8220;Onye naboigo are, bono mokore iga: Mobeke ebinto ebiya bi&#8217;ense eye yaito ase chigunia chiaino, moirere omonto oyio buna ebiegwa. Momoirere amaguta okogwenia make, na obooke boke, na ubani, na manemane, na amajozi.#43:11 amajozi: chinchugu gete chikwama ase emete igoro 12Mobogorie chitaabu ara kabere ase amaboko aino, moirane chitaabu chiria chiairanetigwe, echio chiabegetwe igoro y&#8217;endagera ase chigunia chiaino ime. Aande nigo chiebetwe chikabekwao. 13Moire na oyomino, mogende komo, mogende ase omonto oria naende. 14Nyasae Omobui abae ogwancherwa ase obosio bw&#8217;omonto oyio, erio abasiborere oria omino onde, erinde moirane nere amo na Benjamini. Onye inche ekongwenera nsirerwe nabana baane, tiga abe bo.&#8221;</div><div class="p"> 15Ase igo, abanto abwo bakaimokia ebiegwa, bakaimokia ne chitaabu ara kabere; amo na Benjamini bakagenda, bagatirimboka gochia Misiri, bagachia bagatenena ase obosio bwa Yusufu. 16Ekero Yusufu arooche Benjamini ore amo nabarabwo agateebia omoteneneri bw&#8217;enka yaye: &#8220;Barente abanto abwo nyomba, na onyenye emori, oyeroisie, ekiagera abanto abwo nigo bagocha koragera amo nainche endagera ya mobaso.&#8221; 17Omonto oria agakora buna Yusufu amotebetie, agasoyia abanto abwo nyomba ime.</div><div class="p"> 18Korende abanto aba bakaondoka, ekiagera bairetwe nyomba mwa Yusufu, bakaboora: &#8220;Nigo twarentirwe nyomba ime ase engencho ye chitaabu chiria chiabegetwe ase chigunia chiaito engaki eria entang&#8217;ani. Na bono nigo ararigie gotosoera, na atoimokere, atobwate, atokore tobe abasomba baye, aire ne chitigere chiaito.&#8221; 19Ase igo, bakamoika ang&#8217;e omoteneneri oria bw&#8217;enka ya Yusufu, bakaba bagokwana nere gesieri ki&#8217;enyomba, 20bakabateebia: &#8220;Koranche Omonene, otoigwe! Engaki eria entang&#8217;ani twachete aiga kogora endagera, 21ekero twairanete gochia seito, gotwaikire ase twaraarete botuko, togachia gosansora chigunia chiaito, tokanyora kera omonto chitaabu chiaye nao chire igoro y&#8217;endagera ase egunia yaye ime, chitaabu chionsi pi. Bono chitaabu echi chionsi ntwachirentana, naa tochibwate amo naintwe. 22Naende ntwarentana chitaabu chinde, echi togocha kogora endagera. Titomanyeti gose ning&#8217;o ochibegete ase chigunia chiaito ime.&#8221;</div><div class="p"> 23Akabairaneria &#8220;Timoka, motoerere, timoondoka; Nyasae oino, oyore Nyasae o iso, nere obaete enibo eye ase chigunia chiaino; chitaabu chiaino inachinyorete.&#8221; Erio akarenta Simioni ase bare.</div><div class="p"> 24Omonto oria akaira abanto baria nyomba mwa Yusufu, akabaa amaache bagesibia amagoro abo, akaa ne chitigere chiabo endagera. 25Barabwo bakabeeka ebiegwa biabo ang&#8217;e, baganye Yusufu kagocha mobaso, ekiagera konya baigure ng&#8217;a nao bagocha koragerera endagera ya mobaso. 26Na ekero Yusufu achete nyomba ime bakamoirera ebiegwa biria barentete, bagatung&#8217;ama inse ase obosio bwaye. 27Akabakwania, akababooria: &#8220;Inee! Iso mbuya are, omogaka oria mwanteebia? Moyo are?&#8221;</div><div class="p"> 28Bakamoiraneria: &#8220;Ee, omosomba oo tata mbuya are. Nabo moyo are.&#8221; Barabwo bagatureka emetwe yabo inse.</div><div class="p"> 29Yusufu agachia koimokia amaiso aye, akarora Benjamini omwabo, omwana omwabo baruete enda eyemo nere, akababooria: &#8220;Oyo nere oria omoke omino, oria mwanteebia?&#8221; Akaonchokera Benjamini, akamoteebia: &#8220;Nyasae akoe obuya, omwana one!&#8221; 30Erio Yusufu akaimoka, agasoa enyomba ende, ekiagera enkoro yaye nigo yaare namaiga ase omwana omwabo, aroro ase enyomba eyio akarera amariga. 31Erio agesibia obosio, agasoka oremereretie. Naende akabora: &#8220;Renta endagera!&#8221; 32Bakamobekera endagera bweka ao, na abamwabo boka ao, na Abamisiri baria konya bakoragera komo boka ao, ekiagera Abamisiri nigo bagechete Abaiberania, tibaare koria amo nabarabwo. 33Abamwabo Yusufu bagaikaransigwa ase obosio bwaye, bakaroberigwa gochakera ase oria omonene kogenderera goika ase oria omoke. Bonsi kobaikaransire, bakarigererania, bagakumia. 34Bakaegwa endagera korwa ase emesa ya Yusufu, korende Benjamini ere akarenterwa enyinge kobua abwo bande, ebirengo bitano. Naboigo bakanywa, bakagoka amo nere.</div>
 </div>
 </div>
</div>

Enchara ekaba enene ase ense. Na ekero bakoorire endagera eria bagorete korwa Misiri, ise akabateebia: “Irana naende motogorere endagera nke toche koria.”
Korende Yuda akabateebia: Omonto oria nigo atochigete bokong’u, agatoteebia: Timogocha kondora obosio bwane oyio omino atacheti amo nainwe. Koratoe oyominto agende amo naintwe, rirorio inatotirimboke tokogorere endagera. Korende onye togotomoa togende komo, rirorio titokogenda, ekiagera omonto oria nigo atoteebetie, “Timokondora obosio bwane motacheti noyio omino.”
Israeli akababooria: “Ninki mwankorera igo na gonchanda, goika mogateebia omonto oria ng’a mokare noyomino onde inka?”
Barabwo bakamoiraneria: “Omonto oria nigo atounetie mono amanye amang’ana aito na ay’eamate yaito, agatoboria: Iso moyo are? Mokare nonde omino? Na intwe tokamoiraneria buna atoboretie. Inee! Ntwamanyete aya agochia gokwana ng’a: Gachie morente oyomino?”
Yuda agateebia Israeli ise: “Mong’e omosae oyo agende amo nainche, erio toimoke togende aroro, erinde egere tobe moyo, titokwa, intwe, naye, amo nabana baito abake. Nerure imbe intenenera asare: korwa ase okoboko kwane oche komonsaba. Onye tinkomoirania gocha asore, rirorio ontige mbogorie okomocha okwo amatuko onsi ase obosio bwao. Onye totatebanire nanga twairanire chintunda ibere.”
Israeli ise akabateebia: “Onye naboigo are, bono mokore iga: Mobeke ebinto ebiya bi’ense eye yaito ase chigunia chiaino, moirere omonto oyio buna ebiegwa. Momoirere amaguta okogwenia make, na obooke boke, na ubani, na manemane, na amajozi. Mobogorie chitaabu ara kabere ase amaboko aino, moirane chitaabu chiria chiairanetigwe, echio chiabegetwe igoro y’endagera ase chigunia chiaino ime. Aande nigo chiebetwe chikabekwao. Moire na oyomino, mogende komo, mogende ase omonto oria naende. Nyasae Omobui abae ogwancherwa ase obosio bw’omonto oyio, erio abasiborere oria omino onde, erinde moirane nere amo na Benjamini. Onye inche ekongwenera nsirerwe nabana baane, tiga abe bo.”
Ase igo, abanto abwo bakaimokia ebiegwa, bakaimokia ne chitaabu ara kabere; amo na Benjamini bakagenda, bagatirimboka gochia Misiri, bagachia bagatenena ase obosio bwa Yusufu. Ekero Yusufu arooche Benjamini ore amo nabarabwo agateebia omoteneneri bw’enka yaye: “Barente abanto abwo nyomba, na onyenye emori, oyeroisie, ekiagera abanto abwo nigo bagocha koragera amo nainche endagera ya mobaso.” Omonto oria agakora buna Yusufu amotebetie, agasoyia abanto abwo nyomba ime.
Korende abanto aba bakaondoka, ekiagera bairetwe nyomba mwa Yusufu, bakaboora: “Nigo twarentirwe nyomba ime ase engencho ye chitaabu chiria chiabegetwe ase chigunia chiaito engaki eria entang’ani. Na bono nigo ararigie gotosoera, na atoimokere, atobwate, atokore tobe abasomba baye, aire ne chitigere chiaito.” Ase igo, bakamoika ang’e omoteneneri oria bw’enka ya Yusufu, bakaba bagokwana nere gesieri ki’enyomba, bakabateebia: “Koranche Omonene, otoigwe! Engaki eria entang’ani twachete aiga kogora endagera, ekero twairanete gochia seito, gotwaikire ase twaraarete botuko, togachia gosansora chigunia chiaito, tokanyora kera omonto chitaabu chiaye nao chire igoro y’endagera ase egunia yaye ime, chitaabu chionsi pi. Bono chitaabu echi chionsi ntwachirentana, naa tochibwate amo naintwe. Naende ntwarentana chitaabu chinde, echi togocha kogora endagera. Titomanyeti gose ning’o ochibegete ase chigunia chiaito ime.”
Akabairaneria “Timoka, motoerere, timoondoka; Nyasae oino, oyore Nyasae o iso, nere obaete enibo eye ase chigunia chiaino; chitaabu chiaino inachinyorete.” Erio akarenta Simioni ase bare.
Omonto oria akaira abanto baria nyomba mwa Yusufu, akabaa amaache bagesibia amagoro abo, akaa ne chitigere chiabo endagera. Barabwo bakabeeka ebiegwa biabo ang’e, baganye Yusufu kagocha mobaso, ekiagera konya baigure ng’a nao bagocha koragerera endagera ya mobaso. Na ekero Yusufu achete nyomba ime bakamoirera ebiegwa biria barentete, bagatung’ama inse ase obosio bwaye. Akabakwania, akababooria: “Inee! Iso mbuya are, omogaka oria mwanteebia? Moyo are?”
Bakamoiraneria: “Ee, omosomba oo tata mbuya are. Nabo moyo are.” Barabwo bagatureka emetwe yabo inse.
Yusufu agachia koimokia amaiso aye, akarora Benjamini omwabo, omwana omwabo baruete enda eyemo nere, akababooria: “Oyo nere oria omoke omino, oria mwanteebia?” Akaonchokera Benjamini, akamoteebia: “Nyasae akoe obuya, omwana one!” Erio Yusufu akaimoka, agasoa enyomba ende, ekiagera enkoro yaye nigo yaare namaiga ase omwana omwabo, aroro ase enyomba eyio akarera amariga. Erio agesibia obosio, agasoka oremereretie. Naende akabora: “Renta endagera!” Bakamobekera endagera bweka ao, na abamwabo boka ao, na Abamisiri baria konya bakoragera komo boka ao, ekiagera Abamisiri nigo bagechete Abaiberania, tibaare koria amo nabarabwo. Abamwabo Yusufu bagaikaransigwa ase obosio bwaye, bakaroberigwa gochakera ase oria omonene kogenderera goika ase oria omoke. Bonsi kobaikaransire, bakarigererania, bagakumia. Bakaegwa endagera korwa ase emesa ya Yusufu, korende Benjamini ere akarenterwa enyinge kobua abwo bande, ebirengo bitano. Naboigo bakanywa, bakagoka amo nere.

Ascultă Omochakano 43